«استانا» التى دۇركىن چەمپيون

سوڭعى تۋرعا دەيىن چەمپيون­دىق­قا تالاسقان ەلوردانىڭ «استا­نا­سى» سىرت الاڭدا «توبىل­دى» جەڭىپ, التى دۇركىن ەل چەمپيونى اتانسا, قاتارلاس وتكەن كەزدەسۋدە ەلوردالىقتاردى وكشەلەپ كەلە جاتقان الماتىنىڭ «قايراتى» پاۆ­لودارعا قوناققا بارىپ, «ەر­تىس» كلۋبىنان وڭباي ۇتىلدى. ءسويتىپ ماۋسىم اياقتالۋعا ءبىر تۋر قالعاندا «قايرات» چەمپيوندىق اتاقتان ءۇمىتىن ءۇزىپ, قاتارىنان بەسىنشى رەت كۇمىس جۇلدە يەلەندى. پرەمەر-ليگا ەرەجەسى بويىنشا چەمپيون كوماندا انىقتالاتىن تۋرلاردا بارلىق ويىن ءبىر ۋاقىتتا باس­تالادى. ويتكەنى ماتچتار ءارتۇر­لى ۋاقىتتا باستالىپ, ەرتە اياق­­تا­لىپ قويعان ويىننىڭ ەسەبى, كە­يىن وتەتىن ماتچتىڭ تاعدىرىنا اس­ەر ەتپەۋى كەرەك. مىسالى, «قاي­رات» «استانادان» ءبىر ساعات ەر­تە ويناپ, «ەرتىستەن» جەڭىلىپ قالعان بولسا, ءبىر ساعات كەيىن باستالعان «توبىل» – «استانا» اراسىنداعى كەزدەسۋ تەڭ ەسەپپەن اياقتالۋى دا مۇمكىن ەدى.

جالپى چەمپيوناتتاعى ءار تۋر ءۇش ۇپاي ءۇشىن بولعان سوڭ ماتچتار تارتىستى وتەدى. بىراق چەمپيوناتتاعى ەڭ تارتىستى تۋر وسى – 32-تۋر بولدى دەپ ايتا الامىز. ويتكەنى بۇل تۋرداعى «توبىل» – «استانا» ماتچى ەكى كوماندا ءۇشىن دە ماڭىزدى بولدى. «توبىل» جەڭىسكە جەتسە, كەلەسى جىلى ەۋروپا ليگاسىنىڭ ىرىكتەۋ كەزەڭىنە جولداما بەرۋشى ءۇشىنشى ورىندى يەلەنەتىن ەدى. ال «شاحتەر» مەن «قايرات» ماتچى ايتپاسا دا تۇسىنىكتى. سونداي-اق «اتىراۋ» مەن «ورداباسى», «تاراز» بەن «قايسار» اراسىنداعى ماتچ تا بۇل تۋردىڭ ماڭىزدى ويىن­­دارى بولىپ ەسەپتەلدى. «اتى­­راۋ» مەن «تاراز» پرەمەر-لي­گا­­دا جان ساقتاپ قالۋدى ويلاسا, «ور­داباسى» ءۇشىنشى ورىن ءۇشىن كۇ­رە­سۋدە. ال ۇپاي تاراتىپ جۇرگەن «قايسارعا» ءبارىبىر. ءبىرىنشى ليگاعا ءتۇسىپ قالعان «اقتوبە» ءوز جانكۇيەرلەرىنىڭ الدىندا جەڭىل­مەي, تەك جەڭىس ءۇشىن وينايتىنى بەلگىلى. «وقجەتپەس» پەن «جەتىسۋ» وزدەرىنىڭ جەكە ناتي­جە­سىن جاقسارتۋ ءۇشىن بارىن سالارى انىق ەدى.

سونىمەن ويىندارعا جەكە-جەكە توقتالىپ وتسەك. «توبىل» مەن «استانا» اراسىنداعى ويىن­دا قايسى ءبىر كوماندا باسىم بول­دى دەپ ايتا المايمىز. ەكى كوماندادا دا گول سوعاتىن بىرنە­شە مۇمكىندىك بولدى. تەك «استانا» ويىنشىلارى وزدەرىنە بەرىل­گەن ءبىر عانا مۇمكىندىكتى ءتيىم­دى پايدالانىپ, الاڭ يەلە­رى­نەن جەڭىستى ج ۇلىپ الدى. جال­عىز گولدىڭ اۆتورى يۋري لوگۆينەنكو بيىل «استاناعا» التىنشى چەمپيوندىقتى الىپ بەردى. سونداي-اق ول وتكەن تۋردا اعىلشىندىق فۋتبولشى ۋەين رۋني سەكىلدى قايشى ادىسىمەن «وقجەتپەس» قاقپاسىنا تاماشا گول سوعىپ, سول تۋردا دا كومانداسىنا ماڭىزدى ءۇش ۇپاي سىيلاعان بولاتىن.

پاۆلوداردا وتكەن ويىندا شىنىن ايتۋ كەرەك, «قايراتتىڭ» جولى بولمادى. «ەرتىس» قاقپاسىنا قانشا شابۋىلداعانىمەن, دوپ قاقپاعا كىرمەي قويدى. جال­پى الماتىنىڭ كومانداسى «ەرتىس­تەن» سوڭعى رەت 2002 جىلعى چەمپيوناتتىڭ ءبىرىنشى تۋرىندا ءىرى ەسەپپەن جەڭىلگەن ەكەن. سول ويىندا «ەرتىس» ويىنشىلارى «قايرات» قاقپاسىنا جاۋاپسىز 4 گول سوققان بولاتىن. مىنە, اراعا 17 جىل سالىپ «ەرتىس» 2002 جىلعى رەكوردىن جاڭالاپ, 5:0 ەسەبىمەن «قايراتتى» ويسىراتا جەڭدى. ءبىر قىزىعى, بۇل ماتچتاعى ءبىرىنشى گولدى «استانانىڭ» «ەرتىستە» جالدا جۇرگەن ويىنشىسى سۇلتان ساعىناەۆ سوعىپ, ەسەپتى اشىپ بەردى. ەكىنشى تايمدا جەرەمي مانزوررو, ميلوش ستامەنكوۆيچ, ارمان كەڭەسوۆ جانە كارلوس فونسەكا ءبىر-ءبىر گولدان سوقتى.

32-تۋر ويىندارى باستالماي تۇرىپ, بەيرەسمي دەرەككوزدەردىڭ مالىمەتى بويىنشا, ەگەر «ەرتىس» كومانداسى «قايراتتى» جەڭەتىن بولسا «استانا» باسشىلىعى پاۆلودار كومانداسىنىڭ ويىن­شى­لارىنا 150 مىڭ اقش دوللارى كولەمىندە سىياقى بەرۋگە ۋادە ەتىپتى-مىس. ال «قايرات» باسشىلىعى «توبىل» فۋتبولشىلارىنا «استانانى» جەڭەتىن بولسا ءدال جوعارىداعىداي كولەمدە قارجىلاي سىياقى بەرەتىنىن ايتقان كورىنەدى. ونسىز دا ءۇشىنشى ورىن ءۇشىن تالاسقان «توبىلعا» مۇنداي سىياقى قوسىمشا كۇش بەرە المادى, ال ءبى­رىن­شى ليگاعا ءتۇسىپ قالۋ قاۋپى بار «ەرتىس» ءۇشىن «اس­تا­نانىڭ» ۇسىنىسى پاۆلو­دارلىق فۋتبولشىلاردى قامشى­لاي تۇسكەن سياقتى.

ءۇشىنشى ورىنعا تالاسىپ جاتقان شىمكەنتتىڭ «ورداباسى» كومانداسى سىرت الاڭدا «اتى­راۋ» كومانداسىن 3:1 ەسەبىمەن جەڭىپ, چەمپيوناتتىڭ قولا جۇل­دەسى ءۇشىن «توبىلمەن» ارا­داعى ماسەلەنى شەشىپ قوي­عان­­داي. ويتكەنى كەلەسى تۋردا «ور­دا­با­سى» تاعى ءبىر پرەمەر-ليگادان شىعىپ قالۋ قاۋپى بار «تاراز» كومانداسىمەن وينايدى. ەكى وڭتۇستىك كومانداسىنا ءبىر ۇپاي جەتكىلىكتى, ەكەۋىنە جەڭىس تە, جەڭىلىس تە كەرەك ەمەس. سوندىقتان «ورداباسى» بيىلعى ۇزدىك ۇشتىكتى قورىتىندىلادى دەپ ايتا بەرۋگە بولاتىن شىعار.

ال «تاراز» بۇل تۋردا قىزىلوردانىڭ «قايسار» كومان­دا­سىمەن ويناپ, 2:1 ەسەبىمەن جەڭىسكە جەتتى. تالدىقورعاننىڭ «جەتىسۋ» كلۋبى كوكشەتاۋدا «وقجەتپەس» كومانداسىمەن 1:1 ناتيجەسىمەن تەڭ ءتۇستى. بۇل كەزدەسۋ وسى تۋردا ۇپاي ءۇشىن ەمەس, وزدەرىنىڭ جەكە كەزدەسۋدەگى كورسەتكىشتەرى ءۇشىن عانا ويناعان جالعىز ماتچ بولدى. سونداي-اق الدەقاشان ءبىرىنشى ليگاعا ءتۇسىپ قالعان «اقتوبە» ءوز الاڭىندا قاراعاندىنىڭ «شاحتەرىن» قابىلداپ, جانكۇيەرلەرىنە تاماشا جەڭىس سىيلادى. ويتكەنى بۇل «اقتوبەنىڭ» ءوز الاڭىندا ويناعان پرەمەر-ليگاداعى سوڭعى ويىنى بولاتىن. تارتىسقا تولى وتكەن ماتچتا الاڭ يەلەرى 3:2 ەسەبىمەن قارسىلاستارىنان باسىم ءتۇستى.

سونداي-اق ءبىرىنشى ليگادا جەڭىمپاز اتانعان پەتروپاۆلدىڭ «قىزىلجار» كومانداسى مەن ەكىنشى ورىن يەلەنگەن اقتاۋدىڭ «كاسپي» كومانداسى كەلەسى جىلى پرەمەر-ليگادا ويناۋعا مۇمكىندىك الدى.

الداعى جەكسەنبى كۇنى چەمپيونات­تىڭ سوڭعى 33-تۋر ويىن­دارى وتەدى. بۇل تۋردا «استانا» – «ەرتىس», «جەتىسۋ» – «شاحتەر», «قايرات» – «اتىراۋ», «قايسار» – «وقجەتپەس», «ورداباسى» – «تاراز» جانە توبىل» – «اقتوبە» كوماندالارى كەزدەسەدى.