وسىدان ءبىر جىل بۇرىن ۇكىمەتتىڭ قاۋلىسىمەن بەكىتىلگەن «ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋدىڭ 2017 – 2021 جىلدارعا ارنالعان «ەڭبەك» باعدارلاماسىنىڭ ورىندالۋ بارىسى سولتۇستىك قازاقستان وبلىسى اكىمدىگىنىڭ وتىرىسىندا تالقىلاندى.
جوباعا ءبىر جىلدا 17,5 مىڭ سولتۇستىكقازاقستاندىق قاتىسىپتى. سونىڭ ىشىندە 14 مىڭ ادام جۇمىسپەن قامتىلعان. ال 9 مىڭى تۇراقتى جۇمىسقا ورنالاستىرىلعان. قازىر كاسىپكەرلىككە 2 مىڭنان اسا ادام وقىپ جاتىر. وسىنىڭ ناتيجەسىندە وڭىردە جەكە كاسىپكەرلەردىڭ ۇلەسى ارتىپ, قازىر ولاردىڭ سانى 3200 ادامعا كوبەيىپتى.
دەگەنمەن, كەيبىر اۋدانداردا جۇمىسقا تۇرعىزۋ جانە باعدارلامانى ورىنداۋ قارقىنى تومەن. مۇنىڭ سەبەبى جەرگىلىكتى جەرلەردەگى جۇمىستاردىڭ ءتيىمدى جۇرگىزىلمەۋىندە, دەپ اتاپ ءوتتى وبلىس اكىمى قۇمار اقساقالوۆ.
ء«وز ءوزىن قامتاماسىز ەتكەندەردى ازايتۋ, جاڭا جۇمىس ورىندارىن اشۋ جانە بيزنەستى دامىتۋ – ءبىزدىڭ باستى ماقساتتارىمىزدىڭ ءبىرى. بيىل جەكە كاسىپكەرلەر كوبەيدى. ولاردىڭ سانى ءۇش مىڭنان ارتىق ادامعا ارتقانىنان وسىنشا ادامنىڭ نەسيە الىپ, وزدەرىنىڭ جەكە ىستەرىن اشقانىن كورەمىز. ءسويتىپ ولار ءوزىن-ءوزى قامتاماسىز ەتۋشىلەر قاتارىنان كەتتى دەگەن ءسوز. وسى جۇمىستى ءبىز ۇنەمى نازاردا ۇستاۋىمىز كەرەك. وزدەرىنىڭ بيزنەسىن اشۋعا ازاماتتارعا بارلىق جاعدايدى جاساۋىمىز قاجەت», دەدى وبلىس اكىمى.
سولتۇستىك قازاقستان وبلىسى