كوكتەمدە الماتىنىڭ ەسكى ورتالىعى جاڭارادى

«وسى ماقساتتا بايسەيىتوۆا كوشەسىندەگى جاياۋ جۇرگىنشىلەر جولىن, اباي اتىنداعى مەملەكەتتىك اكادەميالىق وپەرا جانە بالەت تەاترى مەن قبتۋ ماڭىنداعى سكۆەرلەردى بەزەندىرۋ بويىنشا ۇتقىر شەشىم ازىرلەۋگە كونكۋرس جاريالايمىز. بۇل ايماقتى كوپشىلىكتىڭ سۇيىكتى دەمالىس ورنى بولاتىنداي جانە مۋزىكالىق كەشتەر, ءتۇرلى تاقىرىپتىق كورمەلەر, كوشە كورىنىستەرى مەن كورسەتىلىمدەر وتكىزەتىن شىعارماشىلىق ورتاعا اينالدىرامىز»,  دەدى الماتى اكىمى.

سونداي-اق اكىم «نەدەلكا» سۋبۇرقاعىن رەتكە كەلتىرىپ, جاقىن ماڭداعى عيماراتتاردىڭ قاسبەتتەرىن جاڭارتۋ قاجەتتىلىگىن اتاپ ءوتتى.

«ۇيلەسىمدى لاندشافتىق ديزايندى ويلاستىرىپ, سول انسامبلگە ساۋلەتتىك پىشىندەر, اركالار مەن گراففيتيدى ۇيلەستىرۋ قاجەت. بۇلار قازىرگى زامانعى تەحنولوگيالار ارقىلى جارىقتاندىرىلادى. قالا تۇرعىندارىنىڭ تىلەكتەرىن ەسكەرە وتىرىپ, الماتىلىقتاردىڭ جانە قالا قوناقتارىنىڭ دەمالۋى مەن شىعارماشىلىعىنا جايلى قوعامدىق كەڭىستىك جاسايمىز.

جازعا دايىن بولۋ ءۇشىن كوكتەمگە قاراي بايسەيىتوۆا كوشەسى مەن سوعان جاقىن جاتقان سكۆەرلەردى قايتا قۇرىپ, اباتتاندىرۋ جۇمىستارىن باستاۋدى جوسپارلاپ وتىرمىز», دەدى الماتى قالاسىنىڭ اكىمى باقىتجان ساعىنتاەۆ.

بۇعان دەيىن باقىتجان ساعىنتاەۆ ەرەكشە نازار اۋدارۋدى قاجەت ەتەتىن بىرقاتار نىسانداردى ارالاپ,  الماتىلىقتار ءۇشىن   ماڭىزدى جەردە جاياۋ جۇرگىنشىلەر جولى ەكولوگيالىق تالاپقا ساي وڭتايلاندىرىلىپ, جارىقتاندىرۋدىڭ ينجەنەرلىك جەلىلەرى مەن سۋارۋ جۇيەسى سالىناتىنىن, بۇرىنعى  ساياسي اعارتۋ ءۇيىن قايتا جوندەۋدەن وتكىزىپ, دوستىق پەن اباي داڭعىلىنىڭ, پۋشكين مەن قۇرمانعازى كوشەلەرىنىڭ شارشىسىن دا قايتا جاڭعىرتۋ كەرەكتىگىنە نازار اۋدارعان بولاتىن.

اكىمنىڭ تۇسىندىرۋىنشە – الماتىنىڭ تاريحي جانە مادەني ورتالىعى - ەسكى الماتىنىڭ قايتالانباس كەلبەتى ساقتالۋى ءتيىس.

بۇل ماسەلەگە  مەملەكەت باسشىسى قاسىم-جومارت توقاەۆتىڭ قازان ايىنىڭ سوڭعى كۇندەرى الماتىعا كەلگەن ساپارىندا دا ءسوز بولدى. 

الماتى