فۋتبولدان ايەلدەر اراسىنداعى چەمپيوندار ليگاسىنىڭ 1/8 فينال كەزەڭىنىڭ قارىمتا ماتچتارى ءوتتى. قازاقستانىڭ «بيىك-قازىعۇرت» كلۋبى گەرمانياعا قوناققا بارىپ, ميۋنحەندە جەرگىلىكتى «باۆاريا» كومانداسىنان جەڭىلىپ قالدى.
كەزدەسۋدە «باۆاريا» فۋتبولشىلارى 2:0 ەسەبىمەن جەڭىسكە جەتتى. قوس گولدى دا گەرمانيالىق كوماندانىڭ قورعاۋشىسى كارينا ۆەننينگەر سوقتى. «بيىك-قازىعۇرت» پەن «باۆاريا» اراسىنداعى قازاقستاندا وتكەن العاشقى ويىندا گەرمانيالىق قىزدار 0:5 ەسەبىمەن باسىم تۇسكەن ەدى. ەكى ويىننىڭ قورىتىندىسى بويىنشا 7:0 ەسەبىمەن جەڭىسكە جەتكەن «باۆاريا» شيرەك فينالعا جولداما الدى.
ايتا كەتەيىك, ىرىكتەۋ كەزەڭىنىڭ ءۇش ويىنىندا جەڭىسكە جەتكەن «بيىك-قازىعۇرت» توپتان ءبىرىنشى ورىنمەن شىعىپ, ءتۋرنيردىڭ 1/16 فينالىندا بەلگيانىڭ «اندەرلەحت» كومانداسىن ەكى ويىننىڭ قورىتىندىسى بويىنشا 3:1 ەسەبىمەن جەڭگەن بولاتىن.