ەڭ ۇزدىك ستارتاپتار ماراپاتتالدى

تەحنولوگيالىق كاسىپكەرلەر سانىنىڭ ءوسۋىن ىنتالاندىراتىن, اقپاراتتىق-كوممۋنيكاتسيالىق نارىقتاعى جاڭا ويىنشىلاردى ىزدەۋگە جانە قولداۋعا باعىتتالعان, استانا حاب حالىقارالىق IT ستارتاپ تەحنولوگيالىق پاركى قۇرعان «ASTANA HUB BATTLE» بايقاۋى 2019 جىلدىڭ 25 قىركۇيەك ايىنىڭ 25 باستالىپ, 20 قازانعا دەيىن سوزىلدى.

ءۇش كەزەڭنەن  تۇراتىن ىرىكتەۋ قورىتىندىسى بويىنشا 1 ورىن ءۇشىن 15000 اقش دوللارى, 2 ورىن ءۇشىن 10000 اقش دوللارى جانە 3 ورىن ءۇشىن 5000 اقش دوللارى كولەمىندەگى اقشالاي سىيلىقتاردىڭ جەڭىمپازدارى انىقتالدى. بايقاۋعا 100 جۋىق ستارتاپ قاتىستى.

حالىقارالىق فورۋمنىڭ ەكى كۇنىندە كوماندالار قوناقتاردى, شەتەلدىك ساراپشىلاردى, سونداي-اق الەۋەتتى ينۆەستورلار مەن سەرىكتەستەردى ءوز ونىمدەرىمەن تانىستىرۋعا مۇمكىندىك الدى.

ەكىنشى ورىن يەگەرلەرىن ماراپاتتاي وتىرىپ, كومپانيانىڭ قازاقستاندىعى ءوفيسىنىڭ مەملەكەتتىك ورگاندارمەن جۇمىس جونىندەگى ديرەكتورى اندرەي جەلتيكوۆ مىرزا: ء«بىز وسىنداي جارقىن جوباعا قاتىسىپ, كونكۋرس جەڭىمپازدارىن قۇرمەتتەگەنىمىزگە قۋانىشتىمىز. Huawei قازاقستاندىق IT-ستارتاپتاردىڭ ورتالىعى استانا حابتا يننوۆاتسيالىق ورتالىق قۇرۋ ارقىلى جوعارى تەحنولوگيالىق جوبالاردى قولداۋعا ءوز ۇلەسىن قوستى, ستارتاپتاردىڭ تەحنولوگيالاردى سىناقتان وتكىزىپ, Huawei-ءدىڭ تاجىريبەسى مەن شەشىمدەرىن قولدانۋىنا مۇمكىنشىلىك تۋعىزدى. ءبىز بۇدان ءارى دە وسى سالانىڭ دامۋىن ىنتالاندىراتىن بولامىز» دەپ باياندادى.

2018 جىلعى قاراشادا Huawei استانا حاب تەحنوپاركىنىڭ اۋماعىندا بىرلەسكەن يننوۆاتسيالىق ورتالىعىن اشىپ, قازاقستاندىق ستارتاپ جوبالارىنىڭ مادەنيەتىن دامىتۋعا قولداۋ كورسەتە كەلە, سونداي-اق جەرگىلىكتى ازىرلەۋشىلەرمەن ىنتىماقتاستىققا دايىن ەكەندىگىن كورسەتتى. يننوۆاتسيالىق زەرتحانانى اشۋدىڭ نەگىزگى ماقساتى - وتاندىق ستارتاپتار ءۇشىن Huawei-ءدىڭ ينجەنەرلىك رەسۋرستارىن پايدالانۋعا مۇمكىندىك بەرەتىن تەحنولوگيالىق ەكوجۇيە قۇرۋ, سونىمەن قاتار ولاردىڭ شەشىمدەرىن ازىرلەۋ جانە سىناقتان وتكىزۋ, تەوريالىق بىلىمدەرىن پراكتيكادا وڭدەۋگە مۇمكىندىك تۋعىزۋ جانە كومپانيا ساراپشىلارى وتكىزەتىن ترەنينگتەرگە, سەمينارلارعا جانە سەمينارلارعا ستارتاپتار مۇشەلەرىن قاتىستىرۋ ارقىلى مامانداردىڭ قۇزىرەتتىلىكتەرىن ارتتىرۋ.

Huawei بىرلەسكەن يننوۆاتسيالىق ورتالىعى جۇمىسىنىڭ نەگىزگى باعىتتارى - قارجى, كولىك, ەنەرگەتيكا, مۇناي-گاز سالاسى جانە قوعامدىق قاۋىپسىزدىك. يننوۆاتسيالىق ورتالىق جوسپارلاۋ كەزەڭىندە, جوبانىڭ اياقتالعاننان كەيىنگى ناقتى ومىردەگى كەيپىن الدىن-الا كورۋگە مۇمكىندىك بەرەدى.

سونىمەن قاتار كومپانيا فورۋم كۇندەرى ستۋدەنتتەرگە بيىل عانا ەسىگىن اشقان ASTANA IT University اۋماعىندا Huawei-ءدىڭ اقپاراتتى-كوممۋنيكاتسيالىق تەحنولوگيالار جايىندا ءبىلىم بەرەتىن Huawei ICT اكادەمياسىنىڭ تۇساۋىن كەستى. اتالمىش اكادەميا جاس تالانتتاردىڭ IT-سالاسىنداعى بىلىمدەرى مەن داعدىلارىن الەمدىك دەڭگەيگە شىعارۋعا سەپتىگىن تيگىزەدى.