2015 جىلى استانادا ينتەللەكتۋالدى كولىك جۇيەسى تانىستىرىلدى. بۇگىنگى كۇنى وعان قالاداعى 504 باعدارشام نىسانىنىڭ 137-ءى قوسىلدى. بۇل تۋرالى نۇر-سۇلتان قالاسى اكىمدىگىنىڭ ءباسپاسوز قىزمەتى حابارلادى.
قالالىق كولىك جانە جول-كولىك ينفراقۇرىلىمى باسقارماسىنىڭ مالىمەتىنە سايكەس, نۇر-سۇلتان جولدارىنىڭ 35% ينتەللەكتۋالدىق كولىك جۇيەسىمەن قامتىلدى. قازىر جوبانىڭ ءۇشىنشى كەزەڭىن جوبالاۋ جۇمىسى اياقتالىپ جاتىر. 2020 جىلدان باستاپ قالعان جول قيىلىستارىن جاڭعىرتۋ كوزدەلىپ وتىر, ول -118 باعدارشام.
ايتا كەتەيىك, بۇل جۇيە قالالىق ترافيكتىڭ پروبلەماسىن تولىعىمەن شەشە المايدى. ماسەلەنى شەشۋ ءۇشىن كىشى كولىك اينالىمىنىڭ قۇرىلىسىن اياقتاۋ كەرەك, ول كولىك قوزعالىسىن ۇزدىكسىز قامتاماسىز ەتۋگە مۇمكىندىك بەرەدى. ماڭگىلىك ەل داڭعىلىنا بالاما رەتىندە تاۋەلسىزدىك داڭعىلى قۇرىلىسىنىڭ جالعاسىن اياقتاۋ كەرەك.
«سول جاعالاۋ تولىعىمەن ينتەللەكتۋالدىق جۇيەگە قوسىلعان, الايدا مۇندا كولىك كوللاپسى ءجيى بولىپ تۇرادى. ءبىرىنشى كەزەكتە تۇيىق كوشەلەر مەن نەگىزگى ماگيسترالداردى وتكىزۋ كەرەك. ءتىپتى, كوپتەن كۇتكەن اسان قايعى كوشەسىنىڭ قۇرىلىسى ماسەلەنى شەشە المايدى, ويتكەنى ول تاجىريبە جۇزىندە ءۋاليحانوۆ كوشەسىن قايتالاپ وتىر. كەپتەلىستەر كراۆتسوۆ كوشەسىنەن باستالىپ, تاحا حۋسەين كوشەسىنە تىرەلەدى, ودان تاشەنوۆ كوشەسىنەن سول جاعالاۋعا ماڭگىلىك ەل داڭعىلىنا تىرەلەدى. ءارى قاراي كولىك جۇرە المايدى. سول جەردە كەپتەلىستەر باستالادى», - دەدى كولىك جانە جول-كولىك ينفراقۇرىلىمى باسقارماسىنىڭ باسشىسى نۇرلان سولتامبەكوۆ.
بۇگىنگى كۇنى نۇر-سۇلتاندا بەس قۇرىلىس جۇرگىزۋ اۋدانى مەن وناركاسىپتىك ايماق انىقتالدى, ول جەردە ءبىرىنشى كەزەكتە كوشە-جول جەلىسى دامىتىلاتىن بولادى.