2019 جىلعى 30 قازاندا قازاقستان پرەمەر-ءمينيسترى اسقار مامين رەسمي ساپارمەن نيدەرلاندى كورولدىگىنە بارادى. بۇل تۋرالى پرەمەر-ءمينيستردىڭ ءباسپاسوز قىزمەتى حابارلادى.
بۇل قازاقستان ۇكىمەتى باسشىسىنىڭ نيدەرلاندىعا ەكىجاقتى قارىم-قاتىناس تاريحىنداعى العاشقى ساپارى بولادى, وندا نيدەرلاندى كورولدىگىنىڭ پرەمەر-ءمينيسترى مارك ريۋتتەمەن كەزدەسۋ وتەدى. كەلىسسوزدەر بارىسىندا تاراپتار ەكىجاقتى ينۆەستيتسيالىق جانە ساۋدا-ەكونوميكالىق ىنتىماقتاستىق پەرسپەكتيۆالارىن تالقىلايدى.
قازاقستان رەسپۋبليكاسىنىڭ پرەمەر-ءمينيسترى اسقار مامين قازاقستان-گوللانديا بيزنەس-فورۋمىنا قاتىسىپ, Shell, BITFURY, SUEZ GROUP, Farm Frites, Dutch Fruit Solutions Kazakhstan كومپانيالارىمەن كەلىسسوزدەر وتكىزەدى جانە بىرقاتار يننوۆاتسيالىق نىسانداردى ارالايدى.