قارجى مينيسترلىگىندە قىزىلوردا, جامبىل, باتىس قازاقستان, شىعىس قازاقستان, اقتوبە, اتىراۋ جانە ماڭعىستاۋ وبلىستارىنىڭ قارجى دەپارتامەنتتەرىنىڭ بۋحگالتەرلىك ەسەپ پەن شوعىرلاندىرىلعان قارجىلىق ەسەپتىلىكتى دايىنداۋعا جاۋاپتى قىزمەتكەرلەرىنە ارنالعان «بيۋدجەتتىڭ ورىندالۋى تۋرالى جىلدىق شوعىرلاندىرىلعان قارجىلىق ەسەپتىلىكتى جاساۋ» اتتى دوڭگەلەك ۇستەل ءوتتى. بۇل تۋرالى قارجى مينيسترلىگىنىڭ ءباسپاسوز قىزمەتى حابارلادى.
دوڭگەلەك ۇستەلگە قاتىسۋشىلارعا مەملەكەتتىك مەكەمەلەردىڭ بۋحگالتەرلىك ەسەپ جانە قارجىلىق ەسەپتىلىك تۋرالى زاڭناماسىنا ەنگىزىلگەن سوڭعى وزگەرىستەر مەن تولىقتىرۋلار تۋرالى اقپارات بەرىلدى.
سونداي-اق قارجى بولىمدەرىنىڭ باس بۋحگالتەرلەرىنە مەملەكەتتىك مەكەمەلەردە بۋحگالتەرلىك ەسەپ جۇرگىزۋ جانە بيۋدجەتتىڭ اتقارىلۋى تۋرالى شوعىرلاندىرىلعان قارجىلىق ەسەپتىلىكتى دايىنداۋ ەرەجەلەرى ءتۇسىندىرىلدى, شوعىرلاندىرىلعان قارجىلىق ەسەپتەمەنى دايىنداۋدا ادىستەمەلىك جانە پراكتيكالىق كومەك كورسەتىلدى.
قاتىسۋشىلار سونداي-اق مەملەكەتتىك اۋديت ناتيجەلەرى بويىنشا ءجيى قويىلاتىن سۇراقتارعا (نەگىزگى قۇرالداردى ەسەپكە الۋ, دەبيتورلىق جانە كرەديتورلىق بەرەشەكتى ەسەپكە الۋ, اكتيۆتەردى ۋاقتىلى بەرمەۋ جانە ەسەپتەن شىعارۋ تۋرالى) تۇسىنىكتەمەلەر الدى.