ورالدا اقپارات جانە قوعامدىق دامۋ مينيسترلىگىنىڭ ۇيىمداستىرۋىمەن ء«دىني ەكسترەميزمنىڭ الدىن الۋ ماسەلەلەرىندەگى جاستاردىڭ ءرولى» اتتى ەكى كۇندىك وقىتۋ سەمينارى ءوتتى.
شارا بارىسىندا ستۋدەنتتەر مەن جوعارعى وقۋ ورىندارىنىڭ ماگيسترانتتارى ەكسترەميزمنىڭ الدىن الۋ, ەرىكتىلەردىڭ قايىرىمدىلىق قوزعالىستارىن ۇيىمداستىرۋ جانە الەۋمەتتىك جەلىلەر رەسۋرستارىن ءتيىمدى پايدالانۋ بويىنشا ءتۇرلى ساۋالعا جاۋاپ الدى. وقىتۋ سەمينارى بارىسىندا تاراپتار راديكالدىق يدەولوگيانىڭ تەرىس ىقپالىنان ساقتانۋ, ەكسترەميستىك يدەيالارعا تويتارىس بەرۋ ماسەلەلەرىن تالقىلادى.
–سەمينارلاردىڭ ماقساتى – ەكسترەميزمگە قارسى ۆولونتەرلىك قوزعالىس جانە الەۋمەتتىك جەلىلەردەگى جۇمىستاردى دامىتۋ. جانە باسقا كونفەسسيالار وكىلدەرىنە تولەرانتتىق كوزقاراس قۇرۋ– دەيدى بلوگەر ياكوۆ فەدەروۆ.
سەمينار ۇيىمداستىرۋشىلارىنىڭ پايىمىنشا, جاستار ەشقانداي دالەلدەنبەگەن قاعيدالارسىز-اق ەرىكتىلەر قوزعالىسىن قۇرۋ ارقىلى قايىرىمدىلىق ىستەرمەن اينالىسا الادى. ەرىكتىلەردىڭ ۇيىمىن قۇرۋدى مەڭگەرۋ, الەۋمەتتىك جەلىلەردى ءتيىمدى پايدالانا ءبىلۋ دە ماڭىزدى مىندەتتەر قاتارىندا.
ء–بىزدىڭ ويىمىزدى دامىتۋعا كوپ ۇلەسىن قوسىپ جاتىر. بىزگە كوپتەگەن يدەيالاردى ايتىپ جانە ولاردى قالاي دامىتۋ كەرەكتىگىن, ءدىن جولىندا قالاي تەرىس جولعا كەتپەۋ كەرەكتىگىن ءبارىن ءتۇسىندىرىپ جاتىر, بىزگە بۇل ۇناپ جاتىر. سەبەبى بۇل جەردە ءوزىڭنىڭ دە پىكىرىڭدى بىلدىرۋگە بولادى, – دەيدى ستۋدەنت البينا نۇرباەۆا.
ەلىمىزدە «ەكسترەميزمسىز قازاقستان» اتتى رەسپۋبليكالىق اكتسيا جۇمىسىن باستادى. وسى اكتسيا اياسىندا بايقاۋ ۇيىمداستىرىلىپ, ەلوردادا قورىتىندىلانادى.