دوستىقتى دارىپتەگەن حالىقارالىق فەستيۆال

فەستيۆالدىڭ اشىلۋىنا دەيىن قوناقتار ساندىك-قول­دان­بالى ونەر كورمەسىمەن جانە ۋكراين جاستار قاناتى جاستار جىلىنا ارناپ ۇيىمداستىرعان ء«ححى عاسىر جاستارى – وبەكتيۆتە» فوتوكورمەسىمەن تانىستى.

«ەلىمىزدەگى بارلىق ەتنو­ما­دەني بىرلەستىكتەردىڭ ورتاق قۇرى­لىمى بولعان, ازاماتتىق قوعام­نىڭ ەرەكشە ينستيتۋتى – قازاق­ستان حالقى اسسامبلەياسى ۇلتتار مەن ۇلىستاردىڭ التىن دىڭ­گەگىنە اينالعانىن» اتاپ وت­كەن  قازاقستان حالقى اسسام­بلەياسى توراعاسىنىڭ ورىنباسارى – حاتشىلىق مەڭگە­رۋشىسى جانسەيىت تۇيمەباەۆ قاتى­سۋ­شىلاردى فەستيۆالدىڭ اشى­لۋىمەن شىن جۇرەكتەن قۇت­تىقتادى.

«بۇگىندە قازاقستان كوپۇلتتى جانە كوپكونفەسسيالى ەل بولىپ تانىلدى. ەلباسىمىز نۇرسۇلتان نازارباەۆتىڭ قوعامدىق بىرلىك پەن جالپىۇلتتىق بىرلىكتىڭ مو­دەلى الەمگە تانىمال بولدى.

تاريحي تاعدىرى ورتاق ءتۇرلى ۇلت وكىلدەرى تاۋەلسىز قازاق­ستاننىڭ ىرگەسىن بىرگە قالا­سۋدا. ولاردىڭ اراسىندا باسقا ەتنوس­تاردىڭ بارلىعىمەن تەرەزەسى تەڭ ۋكرايندىقتار دا بار. سول ءۇشىن دە سىزدەرگە العىس ايتامىن!» دەي كەلە, جانسەيىت تۇيمەباەۆ ءوز ءسوزىن مىڭجىلدىق تاريحى بار قازاق-ۋكراين دوستىعىنىڭ باس­تالۋى, ۋكرايندىقتاردىڭ « ۇلى دالا ەلىندە» پايدا بولۋ تاريحىنان باستادى.

قازاقستاندىق ۋكراينداردىڭ قازاق جەرىنە قونىستانۋ تاريحى حرونولوگيالىق تۇرعىدان ۇزاق ۋاقىت ارالىعىن قامتيدى. تاريحي دەرەكتەر بويىنشا, 1768 جىلى باسىپ جانىشتالعان گايداماك قوزعالىسى مۇشەلەرىنىڭ سىبىرگە, ءىشىنارا قازاق حالقى مەكەن ەتكەن اۋماقتارعا جەر اۋدارىلعان ەكەن. بىراق ۋكراين كوشىنىڭ نەگىزگى لەكتەرىنىڭ ءبىرى ءحىح عاسىردىڭ 80-90 جىلدارى جانە ءستولىپيننىڭ رەفورماسى اياسىندا جۇزەگە اسىرىلدى. ناتيجەسىندە, حح عاسىردىڭ باسىندا ۋكرايندار سانى جاعىنان قازاقتار مەن ورىستاردان كەيىنگى ورىنعا كوتەرىلگەن ەدى.

قىزىقتى مالىمەتتەرگە تولى بايانداما بارىسىندا جانسەيىت تۇيمەباەۆ «قازاقستاندىق ۋكرايندار ەلىمىزدەگى ەڭ كوپ ساندى ۇلت وكىلدەرىنىڭ قاتارىندا» ەكەنىن اتاپ وتە وتىرىپ, قازاق­ستان مەن ۋكرايناداعى تامىرى قازاقستاندىق ۋكرايندار تۋرالى دا ايتا كەتتى: «بوكستان الەم چەمپيونى ۆ.كليچكو – قازاقستاننىڭ تۋماسى بولسا, قازاقستاندىق اۋىر اتلەتشى ا.حراپاتىي – ۋكرايندىق. قازاقستاندىق بوكسەر ۆ.لەۆيت پەن بەلگىلى قازاقستاندىق جۋرناليست يا.كراسيەنكونىڭ ۇلتى ۋكراين».

شامامەن 300 ادام قاتىسقان فەستيۆال قازاقستاننىڭ 11 وب­لى­سىنان جينالعان ۋكراين شى­عارماشىلىق ۇجىمدارىنىڭ مەرەكەلىك كونتسەرتىمەن, سونداي-اق فەستيۆال جەڭىمپازدارىن ماراپاتتاۋ راسىمىمەن جالعاسىن تاپتى.

اتالعان شاراعا پارلامەنت ءما­جىلىسىنىڭ دەپۋتاتتارى, «رادا ۋكراينتسەۆ كازاحستانا» رەسپۋب­ليكالىق زاڭدى تۇلعالار بىرلەس­تىگىنىڭ توراعاسى يۋري تيمو­ششەنكو, ۋكراينانىڭ قازاقستان­داعى ەلشىسى يۆان كۋلەبا, مەم­لەكەتتىك ورگاندار مەن شەتەلدىك ديپلوماتيالىق ميسسيا وكىلدەرى, ەتنومادەني بىرلەستىكتەر مەن قحا مۇشەلەرى جانە ت.ب. قاتىستى.