ۋحان قالاسىندا ءوتىپ جاتقان VII بۇكىلالەمدىك اسكەري ويىندارىندا قازاقستان قارۋلى كۇشتەرىنىڭ قورجىنى ەكى قولا مەدالعا تولىقتى. اوسك قۇرامىنا جۇلدەنى گرەك-ريم كۇرەسىنەن ارميا سپورتشىلارى اكەلدى. بۇل تۋرالى قورعانىس مينيسترلىگىنىڭ ءباسپاسوز قىزمەتى حابارلادى.
60 كەلىگە دەيىنگى سالماق دارەجەسىندەگى جارىستا قر قورعانىس مينيسترلىگى ارميا ورتالىق سپورت كلۋبىنىڭ سپورتشىسى ايدوس سۇلتانعالي ءۇشىنشى ورىنعا يەلەندى. ول ءۇندىستان پالۋانى - 2019 جىلعى ازيا چەمپيوناتىنىڭ قولا جۇلدەگەرى گيانەندەرا داحيانى 6:3 ەسەبىمەن جەڭدى.
76 كەلىگە دەيىنگى سالماقتا ارميا سپورتشىسى گۇلمارال ەركەباەۆا ليتۆا چەمپيونى گرەتا ستەپونيتەنى 10:0 ەسەبىمەن جەڭىپ, ەل قورجىنىنا ەكىنشى «قولانى» اكەلدى.
بەس كۇندىك جارىس قورىتىندىسىمەن مەدال سانى جاعىنان ويىن قوجايىنى – قىتاي كوش باستاپ تۇر. قازاقستان قۇراماسىنىڭ قورجىنىندا – ءبىر التىن, ءبىر كۇمىس جانە ءۇش قولا بار.