كەنشىلەر استاناسىندا قازان ايىنىڭ وزىندە بالالاردىڭ 14 ويىن الاڭى جوندەۋدەن وتكىزىلدى. «مادەنيەت جانە دەمالىس ساياباقتارى مەن گۇلزارلار باسقارماسى» كمك باسشىلىعىنىڭ ايتۋىنشا, بۇل نىساندار كەستە بويىنشا ەمەس, قاجەتتىلىكتەرگە بايلانىستى قالپىنا كەلتىرىلىپ جاتىر ەكەن.
ەگەر قانداي دا ءبىر نىساندى جوندەۋ جۇمىستارىنىڭ قاجەتتىلىگى تۋىنداسا, ول تۋرالى بەلگىلى ءبىر ۋچاسكەنىڭ شەبەرى باسشىلىققا حابارلايدى. سودان كەيىن بارىپ ول جەرگە دانەكەرلەۋشىلەر مەن اعاش ۇستالاردان تۇراتىن بريگادا جىبەرىلەدى, – دەيدى كمك وندىرىستىك-تەحنيكالىق ءبولىمىنىڭ باستىعى جانات نۇرجانوۆ.
كاسىپورىن قىزمەتكەرلەرىنىڭ ايتۋىنشا, ويىن الاڭدارىندا كوبىنە شىنجىرلار, تەمىر ارقاندار, قورشاۋدىڭ تەمىر تورلارى, جاساندى جابىندار تەز توزىپ, جارامسىز بولىپ قالادى ەكەن.
بۇل نىسانداردان بولەك, كاسىپورىن قىزمەتكەرلەرى بۇل ايدا Street workout جاتتىعۋ قۇرالدارى ورنالاسقان ءتورت الاڭنىڭ جابىنىن اۋىستىردى.
ايتا كەتۋ كەرەك, قاراعاندىداعى «مادەنيەت جانە دەمالىس ساياباقتارى مەن گۇلزارلار باسقارماسى» كمك-ءنىڭ بالانسىندا بارلىعى 44 بالالار جانە سپورت الاڭدارى بار.