كاسىپكەرلىكتى قولداۋ قورى

جىل باسىنان بەرى الماتى قالاسىنىڭ وزىندە 200-دەن استام كاسىپكەر «دامۋ» كاسىپكەرلىكتى قولداۋ قورىنان 5 ميلليارد تەڭگەدەن استام جەڭىلدەتىلگەن نەسيە العان. ولاردىڭ ىشىندە كىشى جانە ورتا بيزنەس پەن قاتار ءىرى كاسىپورىندار دا بار. بۇگىندە كاسىپكەرلىكتى قولداۋ قورى 30-عا تارتا باعدارلاما بويىنشا جۇمىس ىستەپ كەلەدى.

بۇگىن ءباسپاسوز وكىلدەرى اتالعان كومەككە قول جەتكىزگەن بىرنەشە كاسىپورىندى ارالاپ, جۇمىس بارىسىمەن تانىسىپ قايتتى, دەپ حابارلايدى الماتى قالاسى اكىمدىگى ءباسپاسوز ءبولىمى. 

بۇل وتاندىق كاسىپورىن 2010 جىلدان بەرى جۇمىس ىستەپ كەلەدى. كەشەن العاشىندا تەك مەديتسينالىق مەكەمەلەرگە ارنالعان دەزينفەكتسيالىق قۇرالدار شىعارۋمەن اينالىسقان. كەيىننەن ء«وندىرىس» مەملەكەتتىك باعدارلاماسى بويىنشا جەڭىلدەتىلگەن نەسيە الىپ, تاۋار تۇرلەرىن كوبەيتكەن. تاۋلىگىنە 36 توننا ءونىم شىعارا الاتىن قاۋقارى بار حولدينگ باسشىلىعى الداعى ۋاقىتتا دا قارجىلاي كومەككە جۇگىنەمىز دە  وتىر.          

ء«بىز ءوندىرىستى مودەرنيزاتسيالاعاننان كەيىن پوليمەرلىك ىدىستى دا شىعارۋدى باستادىق. سەبەبى, ونى شەتتەن الۋ ءتيىمسىز بولدى. بۇگىندە وندىرىستە 120-عا  جۋىق قىزمەتكەر جۇمىس ىستەيدى. ال, تاۋارلارىمىز كورشىلەس رەسەي مەن قىرعىزستاندا ساۋدالانىپ جاتىر. الداعى ۋاقىتتا كاسىپورىندى كەڭەيتىپ مىسىر ەلىنە دە ەكسپورتتاۋدى جوسپارلاپ وتىرمىز», - دەدى كاسىپورىن ديرەكتورى دانيار الشانباەۆ.

ءباسپاسوز وكىلدەرىنىڭ ەكىنشى ايالداماسى نارىقتا 20 جىلدان استام ۋاقىت جيھاز شىعارۋمەن اينالىسىپ كەلە جاتقان تسەح. «دامۋ» قورى كاسىبىن جاڭا باستاعانداردىڭ جەڭىلدەتىلگەن نەسيە كولەمىنىڭ 80 پايىزىنا كەپىل بولسا, 3 جىلدان استام جۇمىس ىستەگەندەرگە 50 پايىز كەپىل بولا الادى.      

كەز-كەلگەن شاعىن بيزنەس بولسىن جانە وسى سىندى ورتا بيزنەس بولسىن مەملەكەتتىك قولداۋ اسا ماڭىزدى. ءار زاتقا ساپالى ماتەريال كەرەك. بۇل جيھاز تسەحى 2001 جىلى اشىلىپ, 2014 جىلى مەملەكەتتىڭ قولداۋىن الىپ, بۇگىندە ساپالى جيھاز شىعارىپ قانا قويماي, جاقىن كورشىلەس ەلدەرگە تاۋارلارىن ەكسپورتتاپ جاتىر.    

بۇگىندە كاسىپكەرلىكتى قولداۋ قورى 30-عا تارتا باعدارلاما بويىنشا جۇمىس ىستەپ كەلەدى. سونىڭ ىشىندە كوپتىڭ كوڭىلىنەن شىققان "ەڭبەك" باعدارلاماسى. سەبەبى, قاراجات الۋ ەشقانداي كريتەريگە قارامايدى. كەز-كەلگەن بينەس وكىلى كاسىپتىڭ بارلىق ءتۇرى بويىنشا 20 ميلليونعا دەيىن 6 پايىزدىق جەڭىلدەتىلگەن نەسيە الا الادى. سونداي شاپاعاتتى كورىپ وتىرعانداردىڭ ءبىرى اسيما سۇلتانوۆا.

ول بيىل كوكتەمدە 11 ميلليوننان استام قاراجات الىپ, كوپتەن ويلاپ جۇرگەن بالالار دامىتۋ ورتالىعىن اشىپتى.   ء «بىزدىڭ ورتالىقتا 4 مۇعالىم جۇمىس ىستەيدى. ءۇش مۇعالىمگە مەن ءوزىم جالاقىسىن تولەپ وتىرمىن. ءبىر مۇعالىمدى ءبىز جۇمىسپەن قامتۋ ورتالىعىنان جاستار ساياساتى ارقىلى الدىق. بىزدە اعىلشىن ءتىلى, قازاق ءتىلى, ورىس ءتىلى جانە تاعى باسقالار جانە كىشكەنتاي بالالارمەن جۇمىس ىستەيتىن لوگوپەد جۇمىس ىستەيدى», - دەدى بالالاردى دامىتۋ ورتالىعىنىڭ ديرەكتورى ءاسيما سۇلتانوۆا.

«دامۋ» قورى بيىلدىڭ وزىندە 5 ميلليردتان استام قاراجاتتى قۇرايتىن 200 استام كاسىپكەرگە كومەك كورسەتكەن. بارلىق جەڭىلدەتىلگەن بورىش ەكىنشى دەڭگەيلى بانكتەر ارقىلى بەرىلەدى.