بيىلعى ناۋرىز مەيرامىنىڭ الدىندا سەمەيدىڭ اباي اتىنداعى سازدى-دراما تەاترى تىڭ تارتۋ ازىرلەدى. ياعني, تەاتر جۋىردا جاس كورەرمەن نازارىنا ەل گازەتى “ەگەمەننىڭ” وسى ءوڭىردەگى ءتىلشىسى داۋلەت سەيسەن ۇلىنىڭ “ەر توستىك” اتتى حالىق ەرتەگىسى نەگىزىندە جازىلعان پەساسىن ۇسىندى. پەسانى قويعان رەجيسسەر – قاجياحمەت راحمەتوۆ. وندا ويناعان ءارتىستەردىڭ ويىنىمەن بىرگە, كيىمدەرى, جالپى ساحنانىڭ بەزەندىرىلۋى بالدىرعاندارعا ۇناعانى اڭعارىلىپ تۇردى.
وسى ورايدا تاعى ءبىر ايتا كەتەتىن جايت سول, سپەكتاكل ەكى تىلدە قاتار جۇرە باستادى. ەكىنشى ءبىر جاڭالىق, سپەكتاكلدىڭ الدىندا ناۋرىز مەيرامى تۋرالى ۆيكتورينا ويىنى وتكىزىلدى. مۇنى دا تەاتردىڭ تىڭ باستاماسى دەمەسكە بولمايدى. ال ونىڭ تاربيەلىك ماڭىزى ايتپاسا دا تۇسىنىكتى.
“بۇگىندە ءجۇز جىلدىعى تويلانىپ جاتقان حالىق باتىرى باۋىرجان مومىش ۇلى دۇنيەدەن قايتارىنىڭ الدىندا بولاشاقتا نەمەرەلەرىنە ەرتەگى ايتاتىن اجەلەر, نارەستەسىن بەسىك جىرىمەن الديلەيتىن كەلىندەر قالماي ما دەپ قورقامىن دەگەن بولاتىن, - دەيدى پەسا اۆتورى داۋلەت سەيسەن ۇلى, - ال تاربيە دە, ۇلگى-ونەگە دە حالىق اۋىز ادەبيەتىندە ەمەس پە؟ سونى قايتا جاڭعىرتىپ كادەگە جاراتا ءبىلۋىمىز كەرەك. سوعان قولايلى مۇمكىندىك جاساعان تەاتر باسشىلىعىنا,, ونەر ۇجىمىنا العىسىمدى بىلدىرەمىن”.
جاس كورەرمەننىڭ سول جاڭعىرتىلىپ, جاڭارتىلىپ قويىلعان ەرتەگىنىڭ ساحنالىق نۇسقاسىن جىلى قابىلداۋى كوڭىل قۋانتادى.
ايبەك ساپىشەۆ, سەمەيدىڭ اباي اتىنداعى سازدى- دراما تەاترىنىڭ ادەبيەت ءبولىمىنىڭ مەڭگەرۋشىسى.