بۇل تۋرالى اقوردانىڭ ءباسپاسوز قىزمەتى حابارلادى.
مەملەكەتتىك حاتشى Satpayev University جوعارى وقۋ ورنىندا ءال-فارابي اتىنداعى عىلىم مەن تەحنيكا سالاسى بويىنشا قازاقستان رەسپۋبليكاسىنىڭ مەملەكەتتىك سىيلىعىنا ۇسىنىلعان عىلىمي جۇمىستارمەن, سونداي-اق حالىقارالىق كومپانيالارمەن بىرلەسىپ اتقارىلىپ جاتقان جوبالارمەن تانىستى.
قىرىمبەك كوشەرباەۆ ءال-فارابي اتىنداعى قازۇۋ-دا كەلەسى جىلى اتاپ وتىلەتىن ءابۋ ناسىر ءال-ءفارابيدىڭ 1150 جىلدىق مەرەيتويىنا دايىندىق شارالارىن پىسىقتادى.
مەملەكەتتىك حاتشى, الماتى قالاسىنىڭ اكىمى, مادەنيەت جانە سپورت مينيسترىلىگىنىڭ باسشىلىعى «قازاقفيلم» اق-دا اتالعان مەكەمەنى دامىتۋ ماسەلەلەرىن تالقىلادى.
وسى كۇنى قىرىمبەك كوشەرباەۆ قازاق تاعامتانۋ اكادەمياسىنىڭ ۇجىمىمەن كەزدەسىپ, ءال-فارابي اتىنداعى عىلىم مەن تەحنيكا سالاسى بويىنشا قازاقستان رەسپۋبليكاسىنىڭ مەملەكەتتىك سىيلىعىنا ۇسىنىلعان جوبامەن تانىستى.
سونىمەن قاتار قىرىمبەك كوشەرباەۆ بىرقاتار مادەنيەت جانە عىلىم قايراتكەرلەرى مەن ساراپشىلاردى قابىلدادى.