الماتى قالاسىندا 5 قازان كۇنى وتكەن قايىرىمدىلىق مارافونى ءوتتى.وعان 2400 مەتر قاشىقتىقتى جۇگىرۋگە 2 مىڭعا جۋىق قالا تۇرعىندارى قاتىستى.
«ادال جۇرەك» اكتسياسىن الماتى قالاسىنىڭ سىبايلاس جەمقورلىققا قارسى قىزمەتى, الماتى قالاسى اكىمدىگى جانە «Almaty Sports» الەۋمەتتىك جوباسى ۇيىمداستىرعان. بۇل تۋرالى الماتى قالاسى اكىمدىگىنىڭ ءباسپاسوز قىزمەتى حابارلادى.
رەسپۋبليكانىڭ ءاربىر قالاسىندا جۇرگىزىلىپ جاتقان قايىرىمدىلىق مارافونى سەنبى كۇنى ەلىمىزدىڭ وڭتۇستىك استاناسىنداعى «قازاقستان رەسپۋبليكاسى تۇڭعىش پرەزيدەنتىنىڭ ساياباعىندا» ءوتتى. ولاردىڭ ىشىندە مەكتەپ وقۋشىلارى, ستۋدەنتتەر, بيزنەسمەندەر, پروفەسسورلار جانە قوعام قايراتكەرلەرى دە بار. «سانالى ۇرپاق» جوبالىق كەڭسەسىنىڭ نەگىزگى ماقساتى - ءبىلىم سالاسىنداعى سىبايلاس جەمقورلىقتى جەڭۋگە كومەكتەسۋ جانە وسى وسكەلەڭ ۇرپاققا سىبايلاس جەمقورلىققا قارسى كوزقاراس قالىپتاستىرۋ بولىپ تابىلادى. سوندىقتان ءبىز كۇندەلىكتى ستۋدەنتتەرمەن, جاستارمەن جۇمىس جاسايمىز. سوعان بايلانىستى وسى قايىرىمدىلىق مارافونىنا جاس ءبىزدىڭ ازاماتتاردى قاتىستىرۋعا كومەكتەستىك», – دەدى قازاقستان رەسپۋبليكاسىنىڭ سىبايلاس جەمقورلىققا قارسى ءىس-قيمىل اگەنتتىگىنىڭ «سانالى ۇرپاق» رەسپۋبليكالىق جوبالىق كەڭسەسىنىڭ جەتەكشىسى قايىرجان توقۋشەۆ.
حالىقتىڭ الەۋمەتتىك ءالسىز توپتارىنا كومەكتەسۋ ماقساتىندا «بالالارعا ءومىر سىيلا» جوباسى ارقىلى 1783 بالانىڭ ءومىرى قۇتقارىلعان. ال, وسىنداي مەرەكەلىك ءىس-شارالار, قايىرىمدىلىق جاساۋ ارقىلى قورعا 3 جارىم ملرد تەڭگە جينالعان.
«بالالارعا ءومىر سىيلا" جوباسىندا ءبىز دياگنوزى قازاقستاندا ەمدەلۋگە كەلمەيتىن, تەك شەتەلدە عانا ەمدەۋ قاجەتتىلىگى بار ناۋقاس بالالارعا كومەك كورسەتەمىز. بىراق, باقىتىمىزعا وراي, ەلىمىزىدە مۇنداي ناۋقاس بالالار كوپ ەمەس. ءاردايىم بەلگىلى ءبىر ۋاقىتتا سايتىمىزدىڭ قايىرىمدىلىق قورىندا 60-70 بالاعا ارنالعان اقشا جينالادى. سوندىقتان, ءبىز بالالارعا كومەكتەسكەندەردىڭ بارلىعىنا ۇلكەن العىسىمىزدى بىلدىرەمىز», – دەدى «دوم» قوعامدىق قورىنىڭ ديرەكتورى ارۋجان ساين.
ارۋجان سايننىڭ ايتۋى بويىنشا ءاربىر ازامات سمس ارقىلى نەمەسە بانك كارتوچكاسىنا اقشا سالۋ ارقىلى ناۋقاس بالالاردىڭ ءومىرىن قۇتقارىپ قالۋعا ات سالىسا الادى جانە وزدەرىنىڭ اۋدارعان اقشالارىن سايت ارقىلى كىمگە, قاشان جانە قاي ۋاقىتتا جىبەرگەنىن قاداعالاپ وتىرۋعا مۇمكىندىك بار. مارافونعا قاتىسۋعا كەلگەندەر مۇنداي شارانىڭ دەنساۋلىق ءۇشىن دە, ساۋاپ ۇشىندە ۇلكەن ءىس ەكەنىن ايتادى.