بۇگىن سولتۇستىك قازاقستان وبلىسىنىڭ اكىمى قۇمار اقساقالوۆ پەتروپاۆل قالاسىندا Qyzyljar ارنايى ەكونوميكالىق ايماعىنىڭ اشىلعانىن ءوزىنىڭ فەيسبۋكتەگى پاراقشاسىندا جاريالادى.
«قىمباتتى دوستار, سىزدەرگە جاعىمدى جاڭالىق جەتكىزگىم كەلىپ وتىر. بۇگىن ۇكىمەت «Qyzyljar» ارناۋلى ەكونوميكالىق ايماعىن قۇرۋ جونىندە قاۋلى قابىلدادى. بۇل سولتۇستىك قازاقستان ءۇشىن ماڭىزدى جاڭالىق. اەا وسى زامانعى, ەكسپورتقا باعدارلانعان ونىمدەر شىعارىلاتىن بولادى. بارلىعى ءۇش مىڭداي جاڭا جۇمىس ورىندادارى اشىلادى دەپ كۇتىلۋدە. ونىڭ قىزمەتى جيىرما بەس جىلعا سوزىلىپ, 1,5 تريلليون تەڭگەنىڭ ءونىمىن شىعاراتىن بولادى», دەدى قۇمار اقساقالوۆ.
سونىمەن قاتار اكىم بۇل قازاقستان مەن رەسەي شەكارالىق اۋماعىندا اشىلىپ وتىرعان العاشقى ەكونوميكالىق ايماق ەكەنىن ايتا كەلىپ, وندا ازىق ت ۇلىك ونىمدەرى شىعارىلىپ جانە وڭدەلەتىنىن, قۇرىلىس ماتەريالدارى, جيھازدار, ەلەكترونيكا جانە ماسينا جاساۋ ونىمدەرى جاسالاتىنىن اتاپ وتكەن. «بيزنەسكە بارلىق جاعداي جاسالىپ, سالىقتىق جەڭىلدىكتەر بەرىلەدى. مەملەكەت بارلىق ينفراقۇرىلىمداردى جاساۋ مىندەتىن ءوز موينىنا الادى» دەلىنگەن مالىمدەمەدە. «سوندىقتان دا ءبىز ءوزىمىزدىڭ ەلدىڭ جانە شەتەلدەردىڭ ينۆەستورلارى بۇعان قىزىعۋشىلىق تانىتار دەگەن ۇمىتتەمىز» دەيدى قۇمار اقساقالوۆ.