قوستاناي ۆەلوقاۋىمداستىعىنىڭ مۇرىندىق بولۋىمەن بۇقارالىق سپورتتى دامىتۋ مەن سالاماتتى ءومىر سالتىن ناسيحاتتاۋعا باعىتتالعان اۋقىمدى ۆەلوجارىس ءوتتى. ءداستۇرلى شاراعا ليساكوۆ, رۋدنىي قالالارى مەن دەنيسوۆ اۋدانىنان 30 ۆەلوسيپەدشى كەلدى, بارلىعى 250 اسا اۋەسقويلار قاتىستى. ولاردىڭ جاس شاماسى 10 جاستاعى الا مەن 70-تەگى قاريالاردى قامتىدى. وبلىس اكىمىنىڭ ورىنباسارى مارات جۇندىباەۆ باستاعان ۆەلوشاباندوزبار 15 شاقىرىم قاشىقتىقتى ءجۇرىپ ءوتتى.
«جارىستى ۇيىمداستىرۋعا وبلىس اكىمى ارحيمەد مۇحامبەتوۆتىڭ ءوزى باستاماشى بولدى. بۇل ۆەلوجارىس ءبىزدىڭ العاشقى اۋقىمدى ءىس شارامىز. وسى ۋاقىتقا دەيىن شاعىن جارىستار وتكىزگەن بولاتىنبىز. جارىسقا 120-عا جۋىق ادام قاتىسادى دەپ جوسپارلاعان ەدىك, 250-دەن استام ادام تىلەك ءبىلدىرىپ, اۋقىمدى شاراعا ۇلاستى» دەيدى قوستاناي ۆەلوقاۋىمداستىعى توراعاسىنىڭ ورىنباسارى قانات ساعىمباەۆ.
ء داستۇر بويىنشا جارىس وبلىس اكىمدىگىنىڭ الدىنداعى الاڭنان باcتالىپ, تاۋەلسىزدىكتىڭ 25 جىلدىعى ساياباعىنىڭ جاعالاۋىنداعى مارەسىنە جەتتى. جينالعان كورەرمەندەردىڭ قوشەمەتى جارىسقا قاتىسۋشىلارعا جىگەر بەردى.
سونداي-اق, جارىسقا قاتىسۋشىلار ۇستازدار كۇنىنە وراي ىبىراي التىنسارين كەسەنەسىنە گۇل شوقتارىن قويدى.
قوستاناي
سۋرەتتەردى تۇسىرگەن باعدات احمەتبەكوۆ.