«استانا» حالىقارالىق قارجى ورتالىعى الماتى قالاسى اكىمدىگىمەن بىرلەسىپ, «احقو» حالىقارالىق ينۆەستورلار اپتالىعى اياسىندا الماتى قارجى فورۋمىن وتكىزدى. الماتى قالاسىنىڭ اكىمى باقىتجان ساعىنتاەۆ پەن احقو باسقارۋشىسى قايرات كەلىمبەتوۆ قاتىسقان الماتى قارجى فورۋمى ءوز الاڭىندا الماتىنىڭ ىسكەر توپتارىن جينادى.
ايتا كەتۋ كەرەك, قازىر 26 ەلدىڭ 250-دەن استام كومپانياسى احقو قىزمەتىن پايدالانادى. «استانا» حالىقارالىق قارجى ورتالىعىنىڭ باسقارۋشىسى قايرات كەلىمبەتوۆ ولاردىڭ اراسىندا ساپاسى مەن سانى جاعىنان ءارتۇرلى ءىرى كومپانيالار, الەمدىك كوممەرتسيالىق بانكتەر بار ەكەنىن ايتتى. ارالارىندا جاڭا تەحنولوگيالاردى ەندى قولدانىپ جۇرگەندەر كەزدەسەدى. «استانا» حالىقارالىق قارجى ورتالىعىنىڭ ەندىگى ماقساتى - 10 جىل ىشىندە كومپانيالار سانىن 1000-عا جەتكىزۋدى جوسپارلاپ وتىر. قايرات نەمات ۇلىنىڭ تۇسىندىرۋىنشە, قازاقستان ينۆەستيتسيالاردى وتە جاقسى قابىلدادى, بىراق كەلەسى دەڭگەيگە كوتەرىلىپ, ەكى ەسە تارتىمدى بولۋ ءۇشىن كوپ نارسە جاساۋ كەرەك.
«حالىقارالىق قارجى ورتالىعى اياسىندا, ينۆەستورلار تالابىنا جاۋاپ بەرەتىن پلاتفورمانىڭ بىرنەشە دەڭگەيى بار. بىرىنشىدەن, بۇل - قۇقىقتىق الاڭ. تمد ەلدەرى اراسىندا ءبىز جەكە قۇقىقتىڭ قاعيداتتارى مەن نورمالارىنا نەگىزدەلگەن جەكە كوممەرتسيالىق, كەلىسىمشارتتىق زاڭدى قولداناتىن جالعىز ەلمىز. ەكىنشى باعىت - رەتتەگىش. ءبىز ءوزىمىزدىڭ رەتتەۋشىمىزدى قۇردىق. بۇل قارجى ينستيتۋتتارىن تىركەۋگە جانە قارجىلىق ليتسەنزيا بەرۋگە مۇمكىندىك بەرەدى. قۇقىقتىق ورتادان كەيىن ءبىز ۇسىناتىن وتە ماڭىزدى دەڭگەي - قارجىلىق پلاتفورما. سىزدەر امەريكالىق كومپانيامەن بىرلەسكەن جاڭا بيرجانىڭ قۇرىلعانىن بىلەسىزدەر. ءبىز الەمدەگى ەكىنشى بيرجامىز جانە ءوز تەحنولوگيامىزدى بەلسەندى تۇردە تاراتۋدامىز. بۇل ماڭىزدى قادام بولدى, ويتكەنى كاپيتال نارىعىن قايتا باستاۋ ءۇشىن بىزگە بانكتىك نەسيەلەندىرۋ عانا ەمەس, سونىمەن قاتار كاپيتال نارىعىندا قارجىلاندىرۋدىڭ جاڭا قۇرالى قاجەت», - دەپ تولىقتىردى ق.كەلىمبەتوۆ.
سونىمەن قاتار ول ءتۇرلى ينۆەستيتسيالىق قورلارعا ليتسەنزيا بەرىلەتىندىگىن اتاپ ءوتتى. جۋىردا قازاقستاندىق جەكە ينۆەستيتسيالار قورى قۇرىلدى. بۇگىنگى تاڭدا جارعىلىق كاپيتالدا 70 ميلليارد تەڭگە بار.
«بۇگىن ءبىز پلاتفورمامىزدىڭ بىرنەشە دەڭگەيىن بىرىكتىرگىمىز كەلەدى. ول قارجىلىق, زاڭدىق, تەحنولوگيالىق ءبولىم, بۇل بىزگە العا جىلجۋ قۇقىعىن بەرەدى», - دەدى احقو باسقارۋشىسى.
ايتا كەتۋ كەرەك, الماتىدا احقو حالىقارالىق ينۆەستورلار اپتالىعى ءوتىپ جاتىر. وعان «استانا» حالىقارالىق قارجى ورتالىعى (احقو), مەملەكەتتىك ورگاندار, سونىمەن قاتار الماتى قالاسىنىڭ ىسكەر جانە اكادەميالىق ورتا وكىلدەرى قاتىسۋدا. بۇعان دەيىن فورۋم تۇركىستاندا وتكەن بولاتىن.
باقىتجان ساعىنتاەۆ ءوزىنىڭ قۇتتىقتاۋ سوزىندە الماتىدا قازاقستاننىڭ سالىق تولەيتىن ءىرى كومپانيالارىنىڭ ۇشتەن ءبىرىنىڭ, 30-دان استام ترانسۇلتتىق كومپانيانىڭ, بانكتەردىڭ باس وفيستەرىنىڭ 86%-نىڭ, بىرىككەن كاسىپورىندار مەن ءىرى حالىقارالىق ۇيىمداردىڭ 43%-نىڭ ورنالاسقانىن اتاپ ءوتتى. الماتى - 36 ميلليارد دوللار ەكونوميكاسى بار ورتا ازيانىڭ ەڭ دامىعان مەگاپوليسى.
ء«بىز الدىمىزعا جاھاندىق قالا بولۋدىڭ جانە ءومىر ءسۇرۋ ساپاسى ءارى ەكونوميكالىق مۇمكىندىكتەرى جاعىنان 100 مەگاپوليس قاتارىنا ەنۋ بويىنشا ۇزاق مەرزىمدى مىندەتتى قويۋدامىز. الماتى حالقى قالا ماڭىنداعىلاردى قوسا ەسەپتەگەندە قازىردىڭ وزىندە ءۇش ميلليونعا جاقىنداپ قالدى, ال 2030 جىلعا قاراي بەس ميلليونعا جەتۋى مۇمكىن», - دەدى ب.ساعىنتاەۆ.
ول شەت ايماقتاردى قالا ستاندارتتارىنا ساي دامىتۋ جونىندەگى «جاڭا الماتى» ءۇش جىلدىق جوسپاردى جۇزەگە اسىرۋ ءۇشىن 800 ملرد تەڭگەگە جۋىق بيۋدجەت قارجىسى مەن جەكە ينۆەستيتسيا قاجەت ەكەنىن, سول ارقىلى قالا باستامالارىنىڭ ورىندالۋىن جانە الماتىلىقتاردىڭ تۇرمىس جاعدايلارىن جاسقارتۋدى قامتاماسىز ەتەتىن سالىق ءتۇسىمىن ارتتىرۋعا بولاتىنىن ايتتى.
بۇلاردان وزگە, الماتى اكىمدىگى «استانا» حالىقارالىق قارجى ورتالىعىندا قىزمەتىن جۇرگىزەتىن ينۆەستيتسيالىق قورمەن ىنتىماقتاستىقتى قالىپتاستىرۋدى جوسپارلاۋدا. ب.ساعىنتاەۆ ۇكىمەتپەن بىرگە بيزنەس جۇرگىزۋدە اكىمشىلىك كەدەرگىلەردى ازايتۋ, تىركەۋ پروتسەدۋرالارىن جەڭىلدەتۋ بويىنشا شارالار پاكەتىنىڭ قولعا الىنعانىن اتاپ ءوتتى.
«الماتىدا مەمبيۋدجەت ەسەبىنەن يندۋستريالدى ايماقتا بىرەگەي ينفراقۇرىلىم قالىپتاستى, سونىمەن قاتار «يننوۆاتسيالىق تەحنولوگيالار پاركى» اەا سالىق تولەۋ جانە باسقالارى بويىنشا جەڭىلدىكتەر قاراستىرىلعان», - دەدى قالا اكىمى.
ايتا كەتەرلىگى, مەگاپوليستە بيزنەستى قولداۋدىڭ بىرقاتار كونسالتينگتىك جانە قارجىلىق شاراسى جۇزەگە اسۋدا. مىسالى, Qoldaý كاسىپكەرلىكتى قولداۋ ورتالىعى بيزنەسكە ءبىر تەرەزە قاعيداسى بويىنشا مەمقىزمەتتەر جانە تەگىن كونسالتينگتىك قىزمەتتەر كورسەتەدى. «Almaty Finance» كومپانياسى مەن «Almaty» ميكروقارجىلىق ۇيىم شاعىن جانە ورتا بيزنەستى قولداۋ ءۇشىن 2%-دان 7%-عا دەيىن جەڭىلدەتىلگەن نەسيەلەر بەرەدى.
«جالپى, ءبىز كەلەر جىلدان باستاپ شوب قارجىلىق قولداۋ كولەمىن ءۇش ەسە ۇلعايتۋدى جوسپارلاۋدامىز, اعىمداعى 11,5 ميلليارد تەڭگەدەن 30 ميلليارد تەڭگەگە دەيىن. ودان ءارى ءبىز شەشىم قابىلداۋ ءۇشىن ساراپتاما بازاسىنا سۇيەنە وتىرىپ, ونىڭ ىشىندە اكىمدىكتىڭ سيتۋاتسيالىق ورتالىعى جانە Big Data نەگىزىندە قولداۋ شارالارىنا تۇزەتۋ ەنگىزەتىن بولامىز», - دەپ اتاپ ءوتتى مەگاپوليس باسشىسى.
ول ءوزىنىڭ سوزىندە الەۋەتتى ينۆەستورلار ءۇشىن تاۋارلاردى وڭدەۋ جانە قايتا وڭدەۋ, كولىك-لوگيستيكا قىزمەتى, تۋريزم سالالارىنىڭ پەرسپەكتيۆالى باعىتتار ەكەنىن اتاپ ءوتتى. وسىناۋ ومىرشەڭ سالالاردا جاڭا ءوندىرىس اشۋعا زور ىقپال ەتەتىن كرەاتيۆتى ەكونوميكاعا ەرەكشە نازار اۋدارعان ءجون.
قازاقستاندىق قارجى فورۋمى – تۇتىنۋشىلار قۇقىن قورعاۋ, احقو-نىڭ بيزنەس ءۇشىن مۇمكىندىكتەر ماسەلەلەرىن تالقىلايتىن الاڭ. فورۋمنىڭ ماقساتى – احقو-دا جۇرگىزىلەتىن ينۆەستيتسيا تارتۋدىڭ نەگىزدەرى جانە بيزنەس جۇرگىزۋدىڭ شارتتارى تۋرالى حاباردار ەتۋ, سونىمەن قاتار قارجى قىزمەتىن تۇتىنۋشىلاردى قورعاۋ.
القالى شارادا احقو ساراپشىلارى سپيكەر رەتىندە قارجى قىزمەتىن, قارجى تەحنولوگياسىن, جاسىل جانە يسلام وبلياگتسياسىن شىعارۋدى رەتتەۋ, باعالى قاعازدار نارىعىن ينۆەستيتسيالاۋ, سونىمەن قاتار ۇزدىكسىز كاسىبي دامۋ تۋرالى تەرەڭ ماعلۇمات بەردى. بۇل فورۋم سپيكەرلەردىڭ ادەتتەگى مونولوگى فورماتىندا ەمەس, سپيكەرلەر مەن زالدا وتىرعان قوناقتار اراسىنداعى قىزۋ پىكىرتالاس سيپاتىندا بولدى. بارلىق قاتىسۋشىلار ماسەلەلەردى شەشۋ جولدارى تۋرالى تاجىريبە, اقپارات جانە جاڭا مالىمەتتەرمەن الماسۋ مۇمكىندىگى بەرىلدى.
الماتى