اقمولا وبلىستىق پوليتسيا دەپارتامەنتىنىڭ باستاماسىمەن ەسىل اۋدانىندا فرونت-كەڭسەسى اشىلدى. كەڭسەدە كۇشتىك قۇرىلىم قىزمەتكەرلەرىنىڭ كومەگىنە جۇگىنەتىن ازاماتتاردىڭ بارلىق ماسەلەلەرى بويىنشا قابىلداۋ جۇرگىزىلەتىن بولادى.
جاڭادان اشىلعان فرونت-كەڭسەنىڭ جالپى اۋماعى 25 شارشى مەتر. قازىرگى زامانعى كومپيۋتەرلىك وزگە دە قاجەتتى قۇرالدارمەن تولىققاندى جابدىقتالعان. ازاماتتاردى قابىلداۋ بولمەسى كونديتسيونەر, بەينەباقىلاۋ جۇيەسىمەن قامتاماسىز ەتىلگەن. كەڭسەنىڭ القاشقى جۇمىس كۇنى گەنەرال-مايور, وبلىستىق پوليتسيا دەپارتامەنتىنىڭ باستىعى بەرىك ءبىلالوۆ جەرگىلىكتى توعىز تۇرعىندى جەكە ماسەلەلەرى بويىنشا قابىلدادى. ولار كوشى-قون, اكىمشىلىك جانە ەڭبەك زاڭنامالارى, كەڭسەدەگى مامانداردىڭ سانىن ۇلعايتۋ بويىنشا ساۋالدارىن قويدى.
–بەينەباقىلاۋ جۇيەسى ەڭ الدىمەن قاۋىپسىزدىك, ەكىنشىدەن الدىن-الۋ, ۇشىنشىدەن ازاماتتار ءاربىر وتىنىشتەرىنىڭ ءجىتى قاداعالاۋعا الىناتىنىن بىلەتىن بولادى. ايدىڭ سوڭىنا قاراي اۋداندا شاعىن جەدەل باسقارۋ ورتالىعىن اشۋدى جوسپارلاپ وتىرمىز,–دەيدى وبلىستىق پوليتسيا دەپارتامەنتىنىڭ باستىعى بەرىك ءبىلالوۆ.
وسى كۇنى كوشپەلى جيىن وتكىزىلدى. شارا بارىسىندا پوليتسيا دەپارتامەنتىنىڭ كوشى-قون باعىتىنداعى اتقىرىلىپ جاتقان جۇمىستار ەگجەي-تەگجەيلى تالقىلاندى. سونداي-اق شەتەل ازاماتتارىنا كومەك كورسەتەتىن ارنايى پسيحولوگ ماماندار تارتۋ ماسەلەلەرى دە قوزعالدى. جيىن بارىسىندا بىرقاتار اۋماقتىق بولىمشە باسشىلارى اتقارىلعان جۇمىس بويىنشا ەسەپ بەردى. ايتا كەتەرلىگى, اعىمداعى جىلدىڭ باسىنان بەرى ايماققا كەلگەن شەتەل ازاماتتارىنىڭ سانى 24 مىڭعا جەتىپ قالعان ەكەن.