ينۆەستورلار قىزمەتىن حالىققا ءتۇسىندىرۋ شارت

ءىس-شاراعا «استانا» حالىقارا­لىق قارجى ورتالىعىنىڭ دەلەگاتسياسى, مەملەكەتتىك ورگانداردىڭ, «اتامەكەن» ۇلتتىق كاسىپكەرلەر پالاتاسىنىڭ, سونداي-اق سولتۇستىك قازاقستان وبلىسىنىڭ اكادەميالىق توپتارىنىڭ وكىلدەرى قاتىسۋدا. كەزدەسۋ ينۆەستورلاردىڭ حالىقارا­لىق اپتالىعىنا (World Investor’s Week) ورايلاستىرىلىپ, باعالى قاعازدار جونىندەگى كوميسسيالاردىڭ حالىقارالىق ۇيىمىنىڭ (IOSCO) قولداۋىمەن وتكىزىلىپ جاتىر. ول حالىقتىڭ ينۆەستيتسيالىق ساۋاتىن ارتتىرۋعا باعىتتالعان.

احقو قارجىلىق قىزمەتتەردى رەتتەۋ جونىندەگى كوميتەتى  2018 جىل­دىڭ ماۋسىمىندا IOSCO-عا اسسو­تسياتسيالانعان مۇشەسى رەتىندە قابىل­داندى. IOSCO بۇكىل الەمدەگى باعالى قاعازدار نارىعىنىڭ رەتتەۋشى ورگاندارىن بىرىكتىرەدى جانە باعالى قاعازدار نارىعى ءۇشىن حالىقارالىق ستاندارتتاردى بەلگىلەيدى. IOSCO مىن­دەتتەرىنە ۇلتتىق رەتتەۋشى ورگان­دارمەن باعالى قاعازدار نارىعىن رەتتەۋدىڭ حالىقارالىق تانىلعان ستاندارتتارىن ازىرلەۋ, ەنگىزۋ جانە ساقتاۋعا جار­دەم­دەسۋ جونىندەگى ىنتىماقتاستىق ورناتۋ كىرەدى. ونىڭ جۇمىسى تۋرالى ينتەر­نەتتەگى www.iosco.org رەسمي سايتىندا جان-جاقتى دەرەك الۋعا بولادى.

ءىس-شارا قالىپتاسقان داستۇرگە سايكەس قازاننىڭ العاشقى اپتاسىندا الەمنىڭ 80 ەلىندە وتكىزىلەدى. ماقساتى – حالىقتى ينۆەستيتسيالاۋدىڭ نەگىز­دەرى تۋرالى اقپاراتپەن قامتاماسىز ەتۋ جانە قارجىلىق قىزمەتتەر تۇتىنۋ­شىلارىن قورعاۋ.

بيىل حالىقارالىق ينۆەستورلار اپ­­تا­لىعى احقو-نىڭ قاتىسۋىمەن 30 قىر­­كۇيەك پەن 6 قازان ارالىعىندا قا­زاق­­ستاننىڭ 6 قالاسىندا – پەتروپاۆل, اقتاۋ, قاراعاندى, تۇركىستان, الماتى جانە نۇر-سۇلتان قالالارىندا وتەدى.

پەتروپاۆل