الماتىدا «Codex Alimentarius» كوميسسياسىنىڭ ەۋروپا بويىنشا ۇيلەستىرۋ كوميتەتىنىڭ 31-ءشى سەسسياسىنا ەۋروپانى, اقش, افريكا جانە ازيا قۇرلىعىنداعى 60 ەلدەن 200 دەلەگات تىركەلدى.
دەنساۋلىق ساقتاۋ ۆيتسە-ءمينيسترى ءلاززات اقتاەۆانىڭ تۇسىندىرۋىنشە, «Codex Alimentarius» ستاندارتتارى تۇتىنۋشىلاردىڭ دەنساۋلىعىن قورعاۋعا جانە ازىق-ت ۇلىكتىڭ ادال ساۋداسىن قامتاماسىز ەتۋدى كوزدەيدى, حالىقارالىق ساۋدانى دامىتۋ ءۇشىن ۇيلەسىمدىلىك دەڭگەيىن ارتتىرۋعا كومەكتەسەدى جانە ساۋدا داۋلارىن شەشۋدە ماڭىزدى ءرول اتقارادى.
«وندا تاماق گيگيەناسى, تاعامدىق قوسپالار, ۆەتەريناريالىق دارىلىك زاتتىڭ پەستيتسيد قالدىقتارى, لاستاۋشى زاتتار, زاتتاڭبالاۋ, تالداۋ جانە سىنامالاردى ىرىكتەۋ ادىستەرى, ەۋروپا ەلدەرى مەن باسقا دا ەلدەر ءۇشىن تاماقتانۋ تىزبەگىنىڭ بارلىق كەزەڭدەرىندە ازىق-ت ۇلىك يمپورتى مەن ەكسپورتىن سەرتيفيكاتتاۋدى باقىلاۋ تۋرالى ەرەجەلەر بار» دەدى دەنساۋلىق ساقتاۋ ۆيتسە-ءمينيسترى ءلاززات اقتاەۆا.
قازاقستاننىڭ ەكسپورتتىق ساياساتىندا بەلسەندىلىك باسىم ەكەنى بەلگىلى. الەم حالىقارالىق ستاندارتتارمەن مويىندالعان ازىق-ت ۇلىك تۇرلەرىنە عانا باسىمدىق بەرەدى. «Codex Alimentarius» ستاندارتتارى دۇنيەجۇزىلىك ساۋدا ۇيىمى شەڭبەرىندە مويىندالعان.
دەنساۋلىق ساقتاۋ مينيسترلىگى تاۋارلار مەن قىزمەتتەردىڭ ساپاسى مەن قاۋىپسىزدىگىن باقىلاۋ كوميتەتىنىڭ ءتورايىمى ليۋدميلا بيۋرابەكوۆانىڭ ايتۋىنشا, سايكەسسىزدىكتەر مەن جالعان ونىمدەردىڭ كوپشىلىگى ءسۇت جانە ماي ونىمدەرىندە كەزدەسەدى.
«تابيعي ونىمدەر دەپ كورسەتەدى دە قۇرامىندا وسىمدىك مايى بار تاعامداردى ساتا بەرەدى» دەيدى ليۋدميلا بيۋرابەكوۆا.
«اليمەنتاريۋس كودەكسى» كوميسسياسىنىڭ ەۋروپا بويىنشا ۇيلەستىرۋ كوميتەتىنىڭ 31-سەسسياسى 4 قازانعا دەيىن جالعاسادى.
الماتى