تيمۋر ق ۇلىباەۆ ۇلتتىق وليمپيادا كوميتەتىنىڭ پرەزيدەنتى بولىپ قايتا سايلاندى

داۋىس بەرۋ ناتيجەسى بويىنشا اسسامبلەيا مۇشەلەرى ەلىمىزدەگى باس وليمپيادالىق ۆەدومستۆو باسشىسىن تاعى دا ءتورت جىلعا سايلادى. تيمۋر اسقار ۇلى بۇل قىزمەتكە العاش رەت 2015 جىلى تاعايىندالعان بولاتىن. 

«ارتتا قالعان ءتورت جىل ىشىندە قازاقستاندىق سپورتتىڭ دامۋىندا ۇلكەن وزگەرىستەر بايقالدى. اسىرەسە, مەملەكەتتىك قۇرىلىمدار, ۇلتتىق وليمپيادالىق كوميتەت جانە ۇلتتىق سپورتتىق فەدەراتسيالاردىڭ بىرلەسكەن جۇمىسىنىڭ ارقاسىندا كوپتەگەن ءىس تىندىرىلدى.  بارلىق دەڭگەيدەگى تىعىز قارىم-قاتىناس ورناتۋ پروگرەسكە جەتەلەدى, سوندىقتان, اربىرىڭىزگە – سپورتتىڭ وليمپيادا ءتۇرى بويىنشا كوماندا باسشىسىنان سپورت دارىگەرىنە دەيىن, فەدەراتسيانىڭ باس حاتشىسىنان مەنەدجەرگە دەيىن, سپورت كيىمدەرىن ۇلەستىرۋگە جاۋاپتى ادام, جالپى, بارلىق سپورتشىعا, اتا-اناسى مەن اتلەتتەردىڭ باپكەرلەرىنە العىس ايتامىن. بارلىق جەتىستىك ءبىزدىڭ ورتاق جەڭىسىمىز.   بۇگىندە قازاقستان ۇوك – راسىمەن دە حالىقارالىق سپورت قاۋىمداستىعىنىڭ ماڭىزدى مۇشەسى جانە الەمدىڭ سپورت ۇيىمدارىنىڭ سەنىمدى سەرىكتەسى. قازاقستان ۇوك ءتورت جىلدا ۇلكەن جۇمىس تىندىردى. الايدا, وتاندىق سپورتتاعى فۋندامەنتالدى وزگەرىستەرگە قاراماستان, بۇل ءىس تەك باستاماسى عانا. الدا جاۋاپتى شارالار مەن جاڭا بەلەستەر. قازاقستانداعى سپورتتى دامىتۋ ءۇشىن ەڭبەكتەنە بەرەمىز», دەدى قازاقستان ۇوك قايتا سايلانعان باسشىسى تيمۋر ق ۇلىباەۆ. 

وتىرىس بارىسىندا ۇوك-تىڭ وتاندىق سپورت جۇيەسىن تۇبەگەيلى وزگەرتكەن ءتورت جىلعى جۇمىسى قورىتىندىلاندى. سپورت ماسەلەلەرى بويىنشا زاڭنامالارعا تۇزەتۋلەر ەنگىزىلىپ, ولار 2018 جىلى كۇشىنە ەندى; ۇوك ءبىرىنشى رەت مەملەكەتتىك تاپسىرىس ورىنداۋشىسى بولدى. 

بۇل ۇلتتىق سپورت فەدەراتسيالارىنىڭ تيىمدىلىگىن ارتتىردى. سپورت تۇرلەرىن رەتتەۋ مۇمكىن بولدى, ناتيجەسىندە قارجىلاندىرۋ كولەمى جەتىستىكتەرگە, بۇقارانىڭ جۇمىلدىرىلۋىنا, كادرلارمەن, سپورتتىق بازالار قامتىلۋ جانە وزگە فاكتورلارعا بايلانىستى بولدى. سىبايلاس جەمقورلىق تاۋەكەلى تومەندەدى, وليمپيادالىق سپورتتا قارجى اعىنى ايقىن بولا باستادى, قولما-قولسىز ەسەپتەسۋگە اۋىسىپ جاتىر.

قازاقستان ۇوك سىبايلاس جەمقورلىق تاۋەكەلىنە ساراپتاما جاساۋ جونىندە باستاما كوتەردى, سىبايلاس جەمقورلىققا قارسى ىقپال ەتۋ اگەنتتىگى العاش رەت مەملەكەتتىك ەمەس ۇيىمدا وسى باعىتتا جۇمىس ىستەدى. وليمپيادا كوميتەتىنىڭ شىنايى جانە تازا سپورتقا بۇيرەك بۇرۋى ۇيىم جۇمىسىنىڭ بارلىق سالاسىندا كورىنىس تاۋىپ كەلەدى.  ۇوك پرەزيدەنتىنىڭ تىكەلەي تاپسىرماسى بويىنشا سپورتتىڭ وليمپيادا تۇرلەرى بويىنشا قۇراما كوماندالاردى وقۋ-جاتتىعۋ جيىندارى مەن جارىستار كەزىندە ساپالى مەديتسينالىق قاداعالاۋمەن قامتاماسىز ەتۋگە باعىتتالعان جوبا جاسالىپ, بۇگىندە جۇزەگە اسىرىلا باستادى. كەشەندى عىلىمي توپتارعا دارىگەرلەر, مانۋالدى تەراپەۆتەر مەن ديەتولوگتار, بيوحيميكتەر, ماسساج جاساۋشىلار كىرەدى, بۇگىندە قۇراما كوماندالارمەن 123 مامان جۇمىس ىستەيدى, ەلدەگى جانە شەتەلدەگى شارالارعا سپورتشىلاردىڭ جانىندا بولادى.  ۇوك قازاقستان ۇلتتىق انديدوپينگ ورتالىعىمەن تىعىز قارىم-قاتىناس ورناتتتى.

كوپتەگەن سپورتتىڭ وليمپيادا تۇرلەرى بويىنشا كوماندالار جيىن وتكىزەتىن دۇنيەجۇزىلىك بوكس اكادەمياسى نەگىزىندە زاماناۋي ProSport سپورت مەديتسيناسى, ساۋىقتىرۋ جانە دايىندىق ورتالىعى اشىلدى. جاڭا تەحنيكالىق جابدىقتارمەن قامتىلعان, قىزمەت اياسى كەڭ, ازىرگە قازاقستاندا بالاماسى جوق ورتالىق 27 قىركۇيەكتە اشىلادى دەپ جوسپارلانىپ وتىر. وسى ۋاقىتتا حوك الەمگە تانىمال سپيكەرلەرىنىڭ قاتىسۋىمەن سپورت مەديتسيناسى بويىنشا حالىقارالىق كونفەرەنتسيا وتەدى. 

بۇگىندە 10 ۇلتتىق فەدەراتسيانىڭ وكىلدەرى ءوز سپورت تۇرلەرى بويىنشا حالىقارالىق فەدەراتسيانىڭ اتقارۋشى كوميتەتىنىڭ, سونداي-اق, ءتۇرلى كوميسسيالاردىڭ قۇرامىنا ەنەدى. سونداي-اق, ازيالىق ۇيىمداردا دا قازاقستاندىق وكىلدەر كوپ. 14 ۇلتتىق فەدەراتسيا وكىلى قۇرلىقتىق ۇيىمعا مۇشە.  حالىقارالىق سپورتتىق فەدەراتسيالاردا جاس مامانداردىڭ تاجىريبە جيناۋىنا دا ۇلكەن مۇمكىنشىلىكتەر قاراستىرىلعان.

بۇدان بولەك, قازاقستان ۇوك پرەزيدەنتى سپورتتىق فەدەراتسيالار مەن كلۋبتاردىڭ, قاۋىمداستىقتار مەن كونفەدەراتسيانىڭ جانە قازاقستان ۇوك قىزمەتكەرلەرىن حالىقارالىق «بولاشاق» باعدارلاماسى بويىنشا دەنە شىنىقتىرۋ جانە سپورت سالاسىندا ءبىلىم الۋى تۋرالى باستامانى كوتەردى. مۇنىڭ ءبارى وتاندىق سپورتتى بىلىكتى ماماندارمەن تولىقتىرۋعا ارنالعان قادامدار بولاتىن. 

ۇوك-تىڭ وليمپيادالىق ىنتىماقتاستىق باعدارلاماسىمەن ارىپتەستىگى اياسىندا سپورتتىق مەنەدجەرلەر مەن باپكەرلەر الدىڭعى قاتارلى ەلدەردە بىلىكتىلىگىن ارتتىرىپ, تاجىريبە الماسۋدا. 

تەك قانا 2018 جىلى 85 سپورتشى مەن 27 سپورت تۇرىنەن 205 جاتتىقتىرۋشى  وليمپيادالىق ىنتىماقتاستىق باعدارلاماسىنىڭ قاتىسۋشىسى اتاندى. سپورتتىق ۇيىمداردىڭ 207 وكىلى ءوز ماماندىقتارى بويىنشا كۋرستان ءوتتى. 

2015-2016 جىلدارى قازاقستان ۇوك-تا رەبرەندينگ وتكىزىلدىپ, ۇيىمنىڭ ماركەتينگتىك جانە ينستيتۋتتسيونالدى لوگوتيپتەرى بەكىتىلدى. ۇوك سايتى Olympic.kz تولىعىمەن جاڭارتىلدى. بۇگىندە بۇل وليمپيادالىق سپورت تۇرلەرىنە ارنالعان,  كۇن سايىن 24/7 فورماتىندا ءوز كونتەنتىن جاڭارتاتىن تولىققاندى اقپاراتتىق پورتالعا اينالدى. مۇندا سپورتشىلاردىڭ ناتيجەسى تۋرالى جەدەل اقپاراتتار, سۇحباتتار, پىكىرلەر, انونستار مەن ساراپتامالىق ماقالالار, فوتو جانە ۆيدەوماتەريالدار جاريالانادى.