قازاقستاندىق كاسىپقوي بوكسشى قانات يسلام (26-0, 21 KO) كەلەسى جەكپە-جەگىن 26 قازان كۇنى الماتى قالاسىندا وتكىزەدى. بۇل تۋرالى بوكسشى ءوزىنىڭ الەۋمەتتىك جەلىدەگى پاراقشاسىندا جاريالادى.
كاسىپقوي بوكس كەشىندە وتانداسىمىز ناميبيالىق ۋولتەر كاۋتوندوكۆامەن (18-1, 17 كو) كەزدەسەدى. بۇل جەكپە-جەكتە قانات يسلام ءوزىنىڭ ءبىرىنشى ورتا سالماقتا WBO International بەلدىگىن قورعايدى. كاۋتوندوكۆا الەمدىك Boxrec سايتىنىڭ مالىمەتى بويىنشا, ۇزدىك توپ-30 بوكسشىنىڭ قاتارىندا. ول رەيتينگتە 24-ورىندا تۇر. ال WBO نۇسقاسى بويىنشا توپ-10 بوكسشىنىڭ تىزىمىندە 10-شى ساتىعا جايعاسقان.
ەستەرىڭىزگە سالا كەتسەك, ۋولتەر كاۋتوندوكۆا 2018 جىلى WBO-نىڭ ورتا سالماقتاعى چەمپيونى دەمەتريۋس اندرادەمەن (26-0, 17كو) كەزدەسىپ, جەڭىلىپ قالعان بولاتىن. بۇل نامبيالىق بوكسشىنىڭ سپورت جولىنداعى ازىرگە جالعىز جەڭىلىسى.