الەم ادەبيەتىنىڭ وكىلدەرى الماتىدا جينالادى

ەكىنشى رەت وتەتىن حالىقارالىق جازۋشىلار فورۋمىنا موڭعوليا, تۇركيا, اقش, انگليا, فرانتسيا, گەرمانيا سىندى ەلدەردەن تانىمال قالامگەر, اۋدارماشى, پۋبليتسيستەر شاقىرىلعان. بۇل اقپارات بۇگىن ءتۇس اۋا بەلگىلى بولدى.

حالىقارالىق قازاق پەن كلۋبىنىڭ پرەزيدەنتى بيگەلدى عابدۋللين بىزبەن اڭگىمەسىندە جيىنعا  وتاندىق جازۋشىلار اراسىنان ءابدىجامىل نۇرپەيىسوۆ, ولجاس سۇلەيمەنوۆ, دۋلات يسابەكوۆ, ۇلىقبەك ەسداۋلەت جانە سماعۇل ەلۋباەۆ سياقتى كلاسسيك جازۋشىلار قاتىساتىنىن ايتتى. 

ولار ءۇش كۇن بويى اۋدارما ءورىسىن كەڭەيتۋ ماسەلەلەرىن تالقىلاماق. مۇنداعى ماقسات – ادەبيەتكە جاڭا ارنا اشۋ, قازاق ادەبيەتىن الەمگە ناسيحاتتاۋ. ء«بىزدىڭ جازۋشىلارىمىز ۇلتتىق ادەبيەتتى جاسايدى. ال ەندى اۋدارماشىلار الەمدىك ادەبيەتتى جاسايدى. قازىرگى ۋاقىتتا قازاقستاندا اۋدارما ماسەلەسى وتە قيىن جاعدايدا. فورۋمعا 20 شاقتى ەلدەن بەلگىلى جازۋشىلار مەن پۋبليتسيستتەر, اۋدارماشىلار جانە 70-80 شاقتى جازۋشى كەلەدى», دەدى بيگەلدى عابدۋللين.