الماتى الەمنىڭ ءۇش ءىرى حالىقارالىق رەيتينگ اگەنتتىكتەرىنىڭ ءبىرى Fitch Ratings ۇسىنعان قازاقستاننىڭ تاۋەلسىز رەيتينگى دەڭگەيىندە «BBB» حالىقارالىق كرەديتتىك رەيتينگىنە يە بولدى. بۇل تۋرالى بۇگىن الماتىدا وتكەن جيىندا بەلگىلى بولدى.
ورتالىق ازيا بويىنشا IFC ايماقتىق مەنەدجەرى كاسساندرا كولبەرت جۋرناليستەرمەن كەزدەسكەن كەزدە حالىقارالىق كرەديت رەيتينگىن الۋ قالانىڭ ءوزىنىڭ ءوسىپ كەلە جاتقان ينۆەستيتسيالىق قاجەتتىلىكتەرى ءۇشىن كوممەرتسيالىق ۇزاق مەرزىمدى قارجىلاندىرۋدى تارتۋ قابىلەتىن كۇشەيتۋدەگى ماڭىزدى قادام بولىپ تابىلاتىنىن اتاپ ءوتتى. «IFC مىندەتى – زاماناۋي ينفراقۇرىلىمعا ينۆەستيتسيا تارتۋ جانە الماتىعا ءوز تۇرعىندارىنىڭ ءومىر ءسۇرۋ ساپاسىن جاقسارتۋ ءۇشىن ءتيىمدى جانە تۇراقتى قىزمەت كورسەتۋگە كومەكتەسۋ» دەدى كاسساندرا كولبەرت حانىم.
ەندى الماتىنىڭ نەسيەلىك رەيتينگى حالىقارالىق ينۆەستيتسيالىق قاۋىمداستىقتىڭ نازارىن اۋدارۋ ماقساتىندا Fitch Ratings باعالايتىن الەمنىڭ جەتەكشى استانالار رەيتينگتەرىنىڭ تىزىمىنە ەنگىزىلەتىن بولادى. بۇل تۋرالى الماتى قالاسىنىڭ اكىمىنىڭ ورىنباسارى ءىلياس وسەروۆ ايتتى.
«جوعارى نەسيەلىك رەيتينگ الماتى قالاسىندا جايلى ينۆەستيتسيالىق احۋال تۋعىزىپ, بيزنەس-باستامالارعا ارنالعان بارىنشا پەرسپەكتيۆالى ينۆەستيتسيالىق الاڭ بولىپ قالا بەرەدى. ءبىز نەسيەلىك رەيتينگتى اعىمداعى «BBB+» - تەن الەمنىڭ جەتەكشى قارجى ۇيىمدارىمەن ۇزاق مەرزىمدى زاەمدار جاساي وتىرىپ, ودان دا جوعارى ينۆەستيتسيالىق دەڭگەيگە دەيىن كوتەرۋدى جالعاستىراتىنىمىزدى ايتا كەتۋ كەرەك» دەپ اتاپ ءوتتى ءى. وسەروۆ.
بۇگىنگى جيىن بارىسىندا IFC جانە الماتى قالاسىنىڭ اكىمدىگى ستراتەگيالىق ارىپتەستىك تۋرالى كەلىسىمگە قول قويدى. وسى كەلىسىمنىڭ شەڭبەرىندە ۇزاق مەرزىمدى كاپيتالعا قول جەتكىزۋدە جانە ينفراقۇرىلىمعا ينۆەستيتسيالاردى تارتۋعا اكىمدىككە قولداۋ كورسەتەدى.