پرەمەر-مينيستر اسقار ءماميننىڭ توراعالىعىمەن وتكەن ۇكىمەت وتىرىسىندا قازاقستاننىڭ حالىقارالىق رەيتينگتەردەگى, ونىڭ ىشىندە دۇنيەجۇزىلىك بانكتىڭ «Doing Business» رەيتينگىندەگى پوزيتسيالارىن جاقسارتۋ شارالارى قارالدى. بۇل ماسەلە بويىنشا يندۋستريا جانە ينفراقۇرىلىمدىق دامۋ ءمينيسترى رومان سكليار باياندادى, دەپ حابارلادى primeminister.kz.
كاسىپكەرلىك قىزمەتتى رەتتەۋدى جەتىلدىرۋ ماسەلەلەرى بويىنشا زاڭنامالىق باستامالاردىڭ 5-ءشى جانە 6-شى پاكەتتەرى اياسىندا پوزيتسيالاردى جاقسارتۋ ءۇشىن ساۋلەت, قالا قۇرىلىسى جانە قۇرىلىس قىزمەتىندە 8 رەفورما جۇزەگە اسىرىلدى. 5 نورماتيۆتىك-قۇقىقتىق اكتىگە 30-عا جۋىق تۇزەتۋلەر ەنگىزىلدى.
«قۇرىلىسقا رۇقسات الۋ» ينديكاتورى بويىنشا 2018 جىلى قازاقستان 35-ءشى ورىندى يەلەنىپ, 17-پوزيتسياعا كوتەرىلدى.
«جاھاندىق باسەكەگە قابىلەتتىلىك يندەكسىنىڭ رەيتينگى بويىنشا مينيسترلىك «ينفراقۇرىلىم» فاكتورى ءۇشىن جاۋاپتى. 2018 جىلدىڭ قورىتىندىسى بويىنشا قازاقستان 69-ورىندى يەلەنىپ, 3-پوزيتسياعا كوتەرىلدى. «ينفراقۇرىلىم» فاكتورى شەڭبەرىندە مينيسترلىككە 8 ينديكاتور بەكىگەن. «جول جەلىسىنىڭ ساپاسى» جانە «جول ينفراقۇرىلىمىنىڭ ساپاسى» ينديكاتورلارىن جاقسارتۋ ءۇشىن مينيسترلىك رەسپۋبليكالىق جەلىدەگى 6 مىڭ كم اۆتوجولدى, وبلىستىق, اۋداندىق ماڭىزى بار 4,6 مىڭ كم اۆتوجولدى سالدى. جەرگىلىكتى جەلىنى قارجىلاندىرۋ 200 ملرد تەڭگەگە دەيىن ارتتى», دەدى ر. سكليار.
وسى قارجىلاندىرۋ ساقتالعان جاعدايدا 2025 جىلعا قاراي رەسپۋبليكالىق ماڭىزى بار اۆتوجولداردىڭ ۇلەسى جاقسى جانە قاناعاتتانارلىق جاعدايعا 100%-كە دەيىن جەتەدى, وبلىستىق جانە اۋداندىق ماڭىزى بار اۆتوجولداردىڭ ۇلەسىن 95%-عا دەيىن جەتكىزۋ جوسپارلانعان. «تەمىر جول تىعىزدىعى» جانە «تەمىر جول تاسىمالدارىنىڭ تيىمدىلىگى» ينديكاتورلارىنا الماتى تەمىر جول ستانتسياسى بويىنشا اينالما جول سالۋ جوباسى وڭ اسەر ەتتى.
«اۋەجايلار جەلىسىن دامىتۋ» جانە «اۋە تاسىمالدارىنىڭ تيىمدىلىگى» ينديكاتورلارىن جاقسارتۋ ءۇشىن قوستاناي جانە بالقاش قالالارىنىڭ اۋەجايلارىنىڭ ۇشۋ-قونۋ جولاعىن جاڭارتۋ جۇمىستارى اياقتالۋدا. ورال قالاسى اۋەجايىنىڭ اەروۆوكزالىن جاڭعىرتۋ جانە تۇركىستان قالاسىندا جاڭا اۋەجاي سالۋ جۇمىستارى باستالدى.
جىل باسىنان بەرى قازاقستاندىق جانە شەتەلدىك اۆياكومپانيالار 7 حالىقارالىق رەيس اشتى.
بيىلعى جىلى مامىردا العاشقى Fly Arystan ۇلتتىق لوۋكوستەرى ىسكە قوسىلدى. 14 ىشكى اۆيامارشرۋت سۋبسيديالانادى. «تەڭىز تاسىمالدارىنىڭ تيىمدىلىگى» ينديكاتورىن ودان ءارى جاقسارتۋ ءۇشىن اقتاۋ پورتىنىڭ تيەۋ-ءتۇسىرۋ جابدىعىن جاڭعىرتۋ جانە ايلاق قۇرىلىسىن قايتا جاڭارتۋ جوسپارلانعان.
بيىلعى جىلى حالىقتى اۋىز سۋمەن جانە سۋ بۇرۋمەن قامتۋ بويىنشا 126 ملرد تەڭگەگە 411 جوبانى ىسكە اسىرۋ باستالدى. جىل قورىتىندىسى بويىنشا قالا حالقىنىڭ 97% جانە اۋىل حالقىنىڭ 87% سۋمەن قامتىلاتىن بولادى.
بارلىق جوسپارلانعان ءىس-شارالار حالىقارالىق رەيتينگتەردىڭ ينديكاتورلارىن جاقسارتۋ اياسىندا ىسكە اساتىن بولادى. LPI رەيتينگىسى بويىنشا (ساۋدا جانە كولىك ينفراقۇرىلىمىڭ دامۋى) 2018 جىلى قازاقستان لوگيستيكانىڭ تيىمدىلىك يندەكسىندە 2016 جىلمەن سالىستىرعاندا 6-پوزيتسياعا كوتەرىلدى, 160 الەمنىڭ ەلدەرى ىشىندە 71-ءشى ورىندى يەلەندى.