قالا كۇنىن مەرەكەلەۋ اياسىندا 12-19 قىركۇيەك ارالىعىندا مەملەكەتتىك قۋىرشاق تەاترى كوڭىلدى كورسەتىلىمدەر ۇسىنادى. بۇل تۋرالى الماتى قالاسىنىڭ ءباسپاسوز قىزمەتى حابارلادى.
85 جىلدىق تاريحى بار الماتى قالاسىنىڭ مەملەكەتتىك قۋىرشاق تەاترى قازاقستانداعى ەڭ ءىرى ونەر ۇجىمدارىنىڭ ءبىرى. بۇگىندە تالانتتى ارتيستەر مەن قۋىرشاق شەبەرلەرىنىڭ, رەجيسسەرلەردىڭ, سۋرەتشىلەردىڭ بىرنەشە ۇرپاعىن تاربيەلەپ شىعاردى.
قالانىڭ بارلىق سەگىز اۋدانىنىڭ كورەرمەندەرى ءۇشىن تەاتر رەپەرتۋارىنىڭ ۇزدىك سپەكتاكلدەرى جانە ءتۇرلى ۇلت وكىلدەرىنىڭ شىعارماشىلىعىن بەينەلەيتىن ارنايى قويىلىم, «قۋىرشاقتار شوۋى» ۇسىنىلادى. قويىلىمنىڭ اۆتورى مەن رەجيسسەرى - س. شۇكىروۆ, ك. ەشمۇراتوۆا. تاعىلىمى جوعارى كورەرمەن ءۇشىن «ارىستاننىڭ قورقىنىشىن قالاي جازۋعا بولادى؟» اتتى ينتەراكتيۆتى قويىلىم كورسەتىلەدى. اۆتورى - م. دلگەچەۆا, رەجيسسەرى - ك. اندرەەۆا.
«رۋحاني جاڭعىرۋ» باعدارلاماسى اياسىنداعى العاشقى «قۋىرشاقتار شوۋى» كونتسەرتى 12 قىركۇيەكتە وقۋشىلار سارايىنىڭ الدىندا ءوتتى.