«باتىس قازاقستان وبلىسىنداعى بوكەي ورداسى اۋدانىندا جاستارعا ايرىقشا كوڭىل ءبولىنىپ, جاستار ساياساتىن قولداۋعا باعىتتالعان جوبالار جۇزەگە اسۋدا» دەيدى اۋدان باسشىسى نۇرلان راحىمجانوۆ.
بيىلعى جاستار جىلى اياسىندا ەلىمىزدە جۇزەگە اسقان «Zhas project» جوباسىنا بوكەي ورداسى اۋدانىنان 175 جاس كاسىپكەر قاتىسىپ, 58 الەۋمەتتىك جوبا ۇسىنعان ەكەن. ناتيجەسىندە 28 الەۋمەتتىك جوبا جەڭىمپاز اتانىپ, گرانتقا يە بولدى. ياعني اۋىلدا تۇراتىن 85 جاس ويعا العان كاسىبىن جوبا گرانتىمەن جۇزەگە اسىراتىن بولدى. وسى جاستاردىڭ 53-ءى – جۇمىسسىزدار ەكەن. ەندى ولار ناقتى ىسپەن اينالىسىپ, وزىنە دە, قوعامعا دا پايدالى قارەكەتكە كىرىستى.
- تامىز ايىندا «جاس كاسىپكەر» جوباسى اياسىندا اۋدانداعى ىسكەر جاستارمەن كەزدەسىپ, ءتۇرلى جوبالارىمەن تانىستىق. ولاردىڭ ىشىندە كيىمدى قۇرعاق تازالاۋ, كونديتەرلىك تسەح, فوتوسالون, دىبىستىق جازۋ, اۆتوكولىك جۋ, شاشتاراز جانە ت.ب. باعىتتاعى جوسپارلار ۇسىنىلدى. ارنايى كوميسسيانىڭ ساراپتاماسىنان كەيىن 39 جاس «جاس كاسىپكەر» جوباسىنىڭ گرانتىنا يە بولدى, - دەيدى بوكەي ورداسى اۋدانىنىڭ اكىمى نۇرلان راحىمجانوۆ..
بۇدان بوولەك, ەلىمىزدە داستۇرگە اينالعان «ديپلوممەن اۋىلعا» مەملەكەتتىك باعدارلاماسى بويىنشا دا ءتۇرلى سالا ماماندارىنا الەۋمەتتىك قولداۋ شارالارى جالعاسۋدا. بيىلعى 8 اي ىشىندە بوكەي ورداسى اۋدانىنىندا عانا 38 مامانعا 7 ملن 320 مىڭ تەڭگە كوتەرمە جاردەماقى تولەنىپ, 14 مامانعا 46 ملن 400 مىڭ تەڭگە بيۋدجەتتىك نەسيە بەرىلگەن.
باتىس قازاقستان