16 قىركۇيەكتە ساعات 11.00-دە «رۋحاني جاڭعىرۋ» باعدارلاماسى اياسىندا «قازاقفيلم» تەرريتورياسىندا ش.ايمانوۆ اتىنداعى قازاق كينوسى مۇراجايىنىڭ سالتاناتتى اشىلۋى وتەدى.
ءبىزدىڭ قورىمىزدا كوپتەگەن قۇندى جادىگەرلەر جينالعان. مۇندا اتى اڭىزعا اينالعان رەجيسسەر سەرگەي ەيزەنشتەيننىڭ كامەراسى بار. سونداي-اق مۇراجايعا سۇلتان قوجىقوۆتىڭ «قىز جىبەك» فيلمىندەگى جىبەك پەن تولەگەننىڭ كيىمدەرى, ءاسانالى ءاشىموۆ پەن تسوي گۋك ءيننىڭ -«شوقان ۋاليحانوۆ» فيلمىندەگى ساعي ءاشىموۆتىڭ كوستيۋمى, رۇستەم- ابدىراشەۆتىڭ «قازاق حاندىعى», التىن تاق» جانە اقان ساتاەۆتىڭ «توميريس» سىندى كينوتۋىندىلاردا قولدانىلعان كوستيۋمدەر قويىلعان. ال مۇراجايدىڭ ماقتانىشى – شاكەن كەنجەتاي ۇلى ايمانوۆتىڭ قايتا جاساقتالعان جۇمىس كابينەتى. مۇندا قازاق كينوسىنىڭ كلاسسيگى – شاكەن ايمانوۆتىڭ اۋەستىكپەن جيناعان كوللەكتسياسى مەن ءوزى قولدانعان جەكە زاتتارى قويىلعان.
ءىس-شارا بارىسىندا قر ۇلتتىق بانكى وكىلى مۇراجاي قورىنا شاكەن ايمانوۆتىڭ 100 جىلدىعىنا جانە قازاق انيماتسياسىنىڭ 50 جىلدىعىنا وراي شىعارىلعان نومينالدارى 500 تەڭگەلىك ەكى ەسكەرتكىش كۇمىس مونەتالاردى تاپسىرادى. سونداي-اق مۇراجاي قورىنا «قازپوشتا» اق «قازاق انيماتسياسىنا 50 جىل» تاقىرىبىندا شىعارعان پوشتالىق ماركانى سىيعا تارتاتىن بولادى.
الماتى