قازاقستان رەسپۋبليكاسىنىڭ سىبايلاس جەمقورلىققا قارسى ءىس-قيمىل اگەنتتىگى ە.ا. بوكەتوۆ اتىنداعى قاراعاندى مەملەكەتتىك ۋنيۆەرسيتەتىنىڭ رەكتورىنا قاتىستى سوتقا دەيىنگى تەرگەۋدى باستادى. بۇل تۋرالى اگەنتتىكتىڭ ءباسپاسوز قىزمەتى حابارلادى.
«ول ءبىلىم جانە عىلىم مينيسترلىگى «عىلىم قورى» اق باسقارما توراعاسىنا عىلىمي جوبالاردى قارجىلاندىرۋ جانە جالپى قامقورلىق تۋرالى ماسەلەنى وڭ شەشكەنى ءۇشىن 5 مىڭ اقش دوللارى سوماسىندا پارا بەردى دەگەن كۇدىككە ءىلىنىپ وتىر»,- دەلىنگەن حابارلامادا.
سونداي-اق اگەنتتىك «عىلىم قورى» اق باسقارما توراعاسىنىڭ ۇستىنەن پارا الۋ فاكتىسى بويىنشا تەرگەۋ جۇرگىزىلىپ جاتقانىن حابارلادى.
كۇدىكتىلەرگە قاتىستى تۇپكىلىكتى شەشىم ولاردىڭ كىنالىلىك دارەجەسىن انىقتاۋمەن سوت شىعارادى.
قىلمىستىق ىسكە قاتىستى سوڭعى شەشىمدى سوت شىعارادى.