«التىن ورداداعى» جولايرىقتىڭ قۇرىلىسى تاعى دا بىرنەشە ايعا سوزىلماق

جەرگىلىكتى بيلىك تەلىم يەلەرىمەن سوتتاسىپ, اۋداندىق سوت ءىستى مەملەكەتتىڭ پايداسىنا شەشىپ بەرگەن بولاتىن. الايدا كاسىپكەرلەر ۇكىممەن كەلىسپەي, اپەللياتسيالىق شاعىم تۇسىرگەن. سوندىقتان سوتتىڭ ۇزاق قارالاتىن ءتۇرى بار. ەندى ەكى جاقتى داۋدىڭ كەسىرىنەن قۇرىلىس تاعى ساعىزشا سوزىلىپ, جۇرتتىڭ ۇزىن-سونار كەپتەلىستە تۇرۋىنا تۋرا كەلەدى. ايتا كەتسەك, الماتى ماڭىنداعى جول ايىرىقتىڭ قۇرىلىسى 2017 جىلدىڭ سوڭىندا باستالعان. مامانداردىڭ ەسەبىنە سۇيەنسەك, جول قوزعالىسى تىعىز قالالاردا كولىك جۇرگىزۋشىلەر جىلىنا 45 كۇنىن كەپتەلىستە جوعالتادى ەكەن. كەپتەلىستەر ۋاقىت پەن اقشانىڭ سورى عانا ەمەس, دەنساۋلىقتىڭ دا جاۋى. اق حالاتتىلاردىڭ ايتۋىنشا, كەپتەلىستە ءجيى, ءارى ۇزاق تۇرۋ وكپە اۋرۋلارىنىڭ تۋىنداۋىنا اكەلىپ سوعادى. ونىڭ ۇستىنە, ماماندار استما اۋرۋىمەن اۋىراتىندار ءۇشىن كەپتەلىستە تۇرۋ ءتىپتى قاۋىپتى ەكەنىن ەسكەرتەدى. سونداي-اق, جۇيكە جۇيەسى قىزمەتىنىڭ بۇزىلۋى مەن سترەسس كەپتەلىستە ۇزاق ۋاقىت تۇرۋدىڭ سالدارىنان بولادى. جول-كولىك وقيعالارى, اسىرەسە, كەپتەلىستەن كوز اشپايتىن «التىن وردا» بازارى ماڭىندا ءجيى تىركەلەدى. جول ءبىرشاما كەڭەيدى, اسپالى وتكەل سالىنعانمەن,  كەپتەلىس كۇردەلەنە تۇسپەسە, جەڭىلدەگەن جوق. الماتى قالاسىنا كەلىپ جۇمىس ىستەيتىن قاراساي, جامبىل اۋداندارىنىڭ تۇرعىندارى بار, حالقىنىڭ سانى ەكى ميلليونعا جەتەعابىل الماتى قالاسىنان ارزان ازىق-ت ۇلىك ىزدەپ بازارعا اعىلاتىن ەل بار, ساعاتتاپ جىلجىمايتىن تىعىننان تالايدىڭ جۇيكەسى سىر بەردى.

«قازىرگى ۋاقىتتا سوت شەشىمىمەن بەرىلگەن سوماسىمەن كەلىسپەگەن سەبەپتەن, 3 اۆتوكولىكتەرگە جانارماي قۇيۋ ستانتسيالارىنىڭ جەر ۋچاسكەلەرى مەملەكەتتىك مۇقتاجى ءۇشىن الۋ بويىنشا ماتەريالدارى سوت ورگاندارىندا قارالۋدا. ەكەۋى الماتى وبلىستىڭ سوتىنىڭ اپەللياتسيالىق القاسىندا جانە بىرەۋى قر جوعارعى سوتىندا قاراۋ بارىسىندا. سوت وتىرىستارى اياقتالىپ, شەشىمى شىققاننان كەيىن ءتيىستى جۇمىستار جۇرگىزىلەدى»,  دەدى الماتى وبلىسى قاراساي اۋدانى اكىمدىگىنىڭ ءبولىم باسشىسى دۇيسەن ازدەروۆ جۋرناليستەرمەن كەزدەسكەن كەزدە.

الماتى