باتىس قازاقستان وبلىسىنىڭ اكىمى عالي ەسقاليەۆ وڭىردە جۇمىس ىستەپ جۇرگەن شەتەلدىك كومپانيالارعا شەتەلدىك جۇمىس كۇشىن تارتۋ ءۇشىن بەرىلەتىن كۆوتا سانى ازاياتىنىن حابارلادى.
وتكەن سەنبىدە ءبورلى اۋدانىنا جۇمىس ساپارىمەن بارعان ع.ەسقاليەۆ قاراشىعاناق پەترولەۋم وپەرەيتينگ ب.ۆ. كومپانياسى باسشىلىعىمەن كەزدەستى. وبلىس ەكونوميكاسى ءۇشىن وڭىردەگى ەڭ ءىرى جۇمىس بەرۋشى جانە سالىق تولەۋشى رەتىندە كومپانيانىڭ ورنى وتە ماڭىزدى. كومپانيادا قىزمەت ەتەتىن شەتەلدىك ماماندار دا كوپ. وبلىس اكىمى كادرلاردى وقشاۋلاۋ بويىنشا جۇمىس جۇرگىزىلىپ جاتقانىن ايتتى. ع.ەسقاليەۆتىڭ ايتۋىنشا, قازىرگى تاڭدا وڭىردە ءىىى جانە IV سانات بويىنشا كوپتەگەن شەتەلدىك مامان قىزمەت ەتىپ ءجۇر. وبلىس اكىمدىگى ءىىى سانات بويىنشا شەتەلدىك جۇمىس كۇشىن تارتۋعا كۆوتانى ازايتۋ, سونىمەن قاتار IV ساناتتاعى شەتەلدىك جۇمىس كۇشىن اكەلۋگە تولىق تىيىم سالۋ تۋرالى شەشىم قابىلدادى.
– سىزدەردىڭ مەردىگەر ۇيىمدارىڭىز ەلەكترگازبەن دانەكەرلەۋشى, مونتاجداۋشى, بۇرعىلاۋ جۇمىستارى بويىنشا ينجەنەر جانە باسقا ماماندىقتار بويىنشا ءىىى جانە IV ساناتتاعى جەرگىلىكتى كادرلاردى دايارلاۋى ءتيىس دەپ سانايمىن. وبلىس اۋماعىندا مامانداردى دايارلاۋ بويىنشا ASME العان ترەنينگ-ورتالىقتار بار ەكەندىگىن ەسەپكە الساق, بۇل ءىستى جۇزەگە اسىرۋعا ابدەن بولادى. قاراشىعاناق كەن ورىندارىنا كاسىبي قىزمەتكەرلەردى دايارلاۋ ءۇشىن ترەنينگ-ورتالىقتاردى ينۆەستيتسيالاۋ بويىنشا قول ۇشىن سوزۋعا ارقاشان دايىنبىز, – دەدى كەزدەسۋ بارىسىندا ع.ەسقاليەۆ.
باتىس قازاقستان وبلىسى