سىرتقى ىستەر مينيسترلىگىندە ءمينيستردىڭ ءبىرىنشى ورىنباسارى مۇحتار تىلەۋبەردى جاپونيا پارلامەنتى وكىلدەر پالاتاسىنىڭ دەپۋتاتتارىمەن كەزدەستى. بۇل تۋرالى مينيسترلىكتىڭ ءباسپاسوز قىزمەتى حابارلادى.
كەزدەسۋ بارىسىندا تاراپتار ەكىجاقتى جانە كوپجاقتى فورماتتا جەمىستى ارىپتەستىكتى اتاپ ءوتىپ, ساياسي, پارلامەنتارالىق, ساۋدا-ەكونوميكالىق جانە ينۆەستيتسيالىق سالالارداعى قازاقستان-جاپون ىنتىماقتاستىعىنىڭ دامۋ قارقىنىنا ەرەكشە ءمان بەردى.
م. تىلەۋبەردى جاپوندىق تاراپتى قازاقستاندا بولىپ جاتقان ساياسي جانە الەۋمەتتىك-ەكونوميكالىق وزگەرىستەرمەن تانىستىرىپ, نۇر-سۇلتان مەن توكيو اراسىنداعى قارىم-قاتىناستاردى جانداندىرۋعا شاقىردى. وعان قوسا, ەلىمىزدە جاپوندىق بيزنەسمەندەرگە قولايلى جاعداي جاساۋعا بارلىق مۇمكىنشىلىكتەر بار ەكەندىگىن ايتتى.
جاپونيانىڭ وكىلدەر پالاتاسىنىڭ دەپۋتاتى فۋمياكي كوباياسي قازاقستاننىڭ ورتالىق ازياداعى كوشباسشىلىق رولىنە باسا نازار اۋدارا وتىرىپ, بولاشاقتا ەكى ەل اراسىندا تابيعي رەسۋرستاردى يگەرۋ, قورشاعان ورتانى قورعاۋ, بيزنەس بايلانىستاردى كەڭەيتۋ, اۋىلشارۋاشىلىق جانە ينفراقۇرىلىمدىق جوبالاردى ىسكە اسىرۋ سالاسىندا ىنتىماقتاستىق ورناتۋعا قىزىعۋشىلىق تانىتىپ وتىرعاندىعىن مالىمدەدى.
سونىمەن قاتار جاپون تاراپى الماتى قالاسىنىڭ باي تابيعاتىنىڭ كەڭ مۇمكىنشىلىكتەرىنە توقتاپ, قازاقستاندىق ءتۋريزمدى ىلگەرىلەتۋگە ۇلكەن الەۋەت بار ەكەنىن العا تارتتى.