اقش-تىڭ سەگىز مىڭعا جۋىق اسكەرى امەريكالىقتارعا «دوريان» داۋىلىنىڭ الدىن الۋعا كومەكتەسەدى. بۇل تۋرالى پەنتاگون حابارلادى.
اتاپ ايتقاندا, ۇلتتىق گۆارديانىڭ بەس مىڭ اسكەري قىزمەتكەرى جانە قورعانىس مينيسترلىگىنىڭ 2,7 مىڭ بەلسەندى اسكەري قىزمەتشىسى جۇمىلدىرىلدى جانە كۇتۋ رەجيمىندە تۇر.
داۋىلدىڭ سالدارىن جويۋ ءۇشىن جەدەل ارەكەت ەتۋدىڭ 26 بازاسى قۇرىلعان. الابامادا 40-تان استام تىكۇشاق ەكيپاجدارى دايىندىق ۇستىندە, ال س-130 ۇشاعى دجوردجياداعى ىزدەستىرۋ-قۇتقارۋ جۇمىستارىنا قاتىسۋعا دايىن. ءار ءتۇرلى كولەمدەگى جاعالاۋ كۇزەت كەمەلەرى جانە 80-نەن استام دجيپتەر دە قاتىسادى.
1 قىركۇيەك «دوريان» داۋىلىنىڭ قاۋىپتىلىك دەڭگەيى سيرەك كەزدەسەتىن بەسىنشى كاتەگورياعا جەتتى. اقش-تىڭ بىرقاتار شتاتتارىندا توتەنشە جاعداي جاريالاندى. داۋىلدىڭ قاۋپى جەلدىڭ كۇشىندە عانا ەمەس, سونىمەن قاتار سۋ تاسقىنىنا اكەلۋى مۇمكىن جاۋىن-شاشىن مولشەرىندە دە بار. سوندىقتان جەلدىڭ ودان ءارى السىرەۋىنە قاراماستان, داۋىل قۇرلىققا ەنۋ قاۋپى بار. ازىرگە بولجام بويىنشا, «دوريان» اقش-تىڭ اتلانت جاعالاۋى بويىمەن جۇرە بەرەدى, بىراق بەيسەنبى مەن جۇمادا سولتۇستىك جانە وڭتۇستىك كارولينا شتاتتارىندا قاتتى جاڭبىر مەن سۋ تاسقىنى بولۋى مۇمكىن.
جەكسەنبىدە باگام ارالىندا داۋىل بولدى. پرەمەر-مينيستر گۋبەرت ءميننيستىڭ مالىمەتىنشە, باگام ارالىندا داۋىل سالدارىنان بەس ادام قازا تاپتى. سونداي-اق, داۋىل باگام ارالدارىنىڭ سولتۇستىك بولىگىندە ورنالاسقان اباكو ارالىنىڭ ينفراقۇرىلىمىنا ۇلكەن زالال كەلتىردى. حالىقارالىق قىزىل كرەست جانە قىزىل جارتى اي قوعامدارىنىڭ فەدەراتسياسى (IFRC) باگام ارالدارىندا 13000 ءۇي قيراعان نەمەسە ب ۇلىنگەن دەپ حابارلادى.