تەننيستەن قىزدار اراسىندا قازاقستاننىڭ ءبىرىنشى راكەتكاسى يۋليا پۋتينتسەۆا اقش-تىڭ نيۋ-يورك قالاسىندا ءوتىپ جاتقان US Open (اقش اشىق بىرىنشىلىگى) ءتۋرنيرىنىڭ جۇپتىق باسەكەسىندە ءۇشىنشى كەزەڭگە جولداما الدى.
وتانداسىمىز جۇپتاسىپ ونەر كورسەتۋدە 20 جاستاعى رەسەيلىك اننا كالينسكايامەن بىرگە سىنعا تۇسۋدە. ءتۋرنيردىڭ ەكىنشى كەزەڭىندە پۋتينتسەۆا مەن كالينسكايا دۋەتى (قىتاي) – اليتسيا روسولسكا (پولشا) جۇبىمەن كەزدەسىپ, ءۇش سەتكە سوزىلعان باسەكەدە 6:2, 5:7, 6:3 ناتيجەسىمەن باسىم ءتۇستى. US Open جارىسىنىڭ شيرەك فينالىنا شىعۋ ءۇشىن پۋتينتسەۆا مەن كالينسكايا ءتۋرنيردىڭ ەڭ مىقتى جۇبى جانە ءبىرىنشى راكەتكاسى سانالاتىن تيمەيا بابوش (ۆەنگريا) جانە كريستينا ملادەنوۆيچپەن (فرانتسيا) كۇش سىناسادى.
ەسكە سالا كەتەيىك, US Open تۋرنيرىندە قازاقستاندىق تەننيسشىلەردەن يۋليا پۋتينتسەۆا عانا قالدى. ونىڭ ءوزى تەك جۇپتىق باسەكەدە سىنعا تۇسەدى. قالعان تەننيسشىلەردىڭ ءبارى ءۇشىنشى كەزەڭگە جەتپەي ءسۇرىندى.