مەملەكەت باسشىسى بۇگىنگى جولداۋى ارقىلى ەلىمىزدە ساياسي باسەكەنىڭ وسكەنىن, كوپپارتيالىلىقتى دامىتۋدى, ديالوگتى كۇشەيتۋدى كوزدەپ وتىر. مەنىڭ ويىمشا, پرەزيدەنت ليبەرالدانۋ باعدارىنا دەن قويىپ وتىرعانىن تاعى ءبىر مارتە دالەلدەدى. «رەفورما ءۇشىن رەفورما جۇرگىزۋدىڭ» قاجەتى جوق ەكەنىن اشىق ءبىلدىرىپ, رەفورمالاردى ىسكە اسىرۋدا ويلى دا سالماقتى قادامدار قاجەتتىگىن ايتتى.
الەۋمەتتىك جەلىنىڭ رەاكتسياسىنا قاراپ, پرەزيدەنتتىڭ ساياسي باسەكەلەستىكتى دامىتۋعا, كوپپارتيالىلىقتى دامىتۋعا قاتىستى ايتقاندارى وڭ قابىلدانعانىن بايقادىم.
مەملەكەت باسشىسىنىڭ ساياسي كەڭەسشىسى رەتىندە قوعامدىق ديالوگتى دامىتۋ, ازاماتتىق ديالوگتى كۇشەيتۋ تۋرالى باستامالارىن ەرەكشە اتاپ وتەر ەدىم. ارينە شاعىن جانە ورتا بيزنەستى دامىتۋ باستاماسىنىڭ دا ماڭىزى ەرەكشە. پرەزيدەنت ۇكىمەتكە شاعىن بيزنەستى سالىقتان ءۇش جىلعا بوساتۋ تۋرالى زاڭنامالىق نەگىز ازىرلەۋدى تاپسىردى. مەنىڭشە, وسى ىسكە قاتىستى ءتيىستى زاڭنامالار كاسىپكەرلىكتى دامىتۋدا ايتارلىقتاي سەرپىن بەرەدى.
ءبىر جاعىنان, پرەزيدەنت تاراپىنان حالىقتى الەۋمەتتىك قورعاۋعا قاتىستى كوپتەگەن شارالار, باستامالار مەن تاپسىرمالار ايتىلدى. ەكىنشىدەن, ازاماتتاردىڭ ەكونوميكالىق بەلسەندىلىگىن كوتەرۋ ءۇشىن كاسىپكەرلىكتى قولداۋ قاجەتتىگىنە توقتالدى. ۇكىمەتتىڭ اتقارۋعا ءتيىس جۇمىسى تۋرالى ناقتى تاپسىرمالار كوپ بولدى. مەنىڭشە, ۇكىمەت تاراپىنان تيىسىنشە تالقىلاۋ بولىپ, پرەزيدەنت تاپسىرمالارىن ىسكە اسىرۋ جونىندەگى جالپىۇلتتىق جوسپار جاسالادى.
ەرلان قارين, قازاقستان پرەزيدەنتىنىڭ كەڭەسشىسى