مەملەكەت باسشىسىنا اقمولا وبلىسىنىڭ بيىلعى 8 ايداعى الەۋمەتتىك-ەكونوميكالىق دامۋ قورىتىندىلارى, سونداي-اق كەلەسى جىلى كوكشەتاۋ قالاسىندا وتەتىن قازاقستان مەن رەسەيدىڭ وڭىرارالىق ىنتىماقتاستىعى فورۋمىنا دايىندىق بارىسى باياندالدى. بۇل تۋرالى اقوردانىڭ ءباسپاسوز قىزمەتى حابارلادى.
قازاقستان پرەزيدەنتى وڭىردە اگروونەركاسىپتىك كەشەن مەن تۋريزم سالاسىنىڭ الەۋەتىن نىعايتۋدىڭ ماڭىزدىلىعىن ايتىپ, اكىمگە جەر رەسۋرستارىن ءتيىمدى پايدالانۋ ماسەلەسىن تاپسىردى. سونداي-اق, ول بالالار مەن جاستارعا قولجەتىمدى ينفراقۇرىلىم نىساندارىن سالۋ قاجەتتىگىن اتاپ ءوتتى.
كەزدەسۋ قورىتىندىسى بويىنشا قاسىم-جومارت توقاەۆ ەرمەك مارجىقباەۆقا اقمولا وبلىسىن ودان ءارى دامىتۋ جونىندە بىرقاتار ناقتى تاپسىرما بەردى.