رۋحاني جاڭعىرۋىمىزدىڭ ءبىر دالەلىندەي جاستار مەن جاسوسىپىرىمدەر بويىندا مادەنيەتىمىزدى, تاريحىمىزدى, ادەبيەتىمىزدى كەڭىنەن ناسيحاتتاۋ ماقساتىنداعى يگى شارا مەكتەپ وقۋشىلارى اراسىندا باستالماق. اتالعان تاقىرىپتاعى بايقاۋ م.و.اۋەزوۆ اتىنداعى ادەبيەت جانە ونەر ينستيتۋتى تاراپىنان 2012 جىلدان بەرى دارىندى وقۋشىلار اراسىندا ۇيىمداستىرىلىپ كەلەدى. ء داستۇرلى بايقاۋدىڭ ماقساتى - مۇحتار اۋەزوۆتىڭ شىعارماشىلىق مۇراسىن جاستار اراسىندا ناسيحاتتاۋ, جاسوسپىرىمدەردى كوركەم ادەبيەتكە باۋلۋ, عىلىمي زەرتتەۋ جۇرگىزۋدىڭ داعدى-ماشىقتارىن قالىپتاستىرۋ جانە مەملەكەتتىك ءتىلدى دامىتۋ.
بايقاۋعا شىعارمالار جولداعاندار مىنا تالاپتاردى ەسكەرۋ قاجەت: شىعارما مەملەكەتتىك تىلدە (قازاق تىلىندە) جازىلۋى ءتيىس; شىعارما كونكۋرسقا قاتىسۋشىنىڭ دەربەس عىلىمي-شىعارماشىلىق ىزدەنىستەرىنىڭ ناتيجەسى بولۋى ءتيىس; - شىعارما اۆتورى 9-11 سىنىپ وقۋشىسى بولۋى كەرەك; - شىعارما كولەمى ا4 فورماتىندا (قارىپ – Times New Roman, 14 كەگل, جول ارالىعى – 1) 3-5 بەتتەن اسپاۋى ءتيىس; شىعارما ءماتىنىنىڭ جوعارعى وڭ جاعىندا تالاپكەردىڭ تولىق اتى-ءجونى مەن ناقتى مەكەن-جايى (بايلانىس تەلەفون مىندەتتى تۇردە), سىنىپ, مەكتەپ اتاۋى تولىق كورسەتىلۋى ءتيىس.
تالاپكەرلەر شىعارمانى «م.اۋەزوۆتىڭ تۇلعالىق جەتى قىرى» ەركىن تاقىرىبىندا جولداي الادى. كونكۋرسقا ۇسىنىلعان شىعارمالار 2019 جىلدىڭ 24 قىركۇيەگىنە دەيىن قابىلدانادى. كونكۋرسقا قابىلدانعان شىعارمالار انتي-پلاگيات باعدارلاماسى بويىنشا تەكسەرۋدەن وتەدى.
جۇلدەلى ورىندارعا يە بولعان وقۋشىلار مەن ولاردىڭ جەتەكشى ۇستازدارى 2019 جىلدىڭ 27 قىركۇيەگىندە وتەتىن م.و.اۋەزوۆتىڭ تۋعانىنا 122 جىل تولۋىنا ارنالعان جاس عالىمداردىڭ ء«حVى م.و.اۋەزوۆ وقۋلارى» اتتى عىلىمي-تاجىريبەلىك كونفەرەنتسياسىندا ماراپاتتالادى. ۇزدىك شىعارمالار كونفەرەنتسيا ماتەريالدارىنىڭ جيناعىندا جاريالانادى.
كونكۋرسقا قاتىساتىن وقۋشىلار ءوز جۇمىستارىن 050010, الماتى قالاسى, م.تولەباەۆ كوشەسى 185, «م.و.اۋەزوۆ ءۇيى» عىلىمي-مادەني ورتالىعى مىنا مەكەن-جايىنا جىبەرۋى ءتيىس. بايلانىس تەلەفوندارى +7 (727) 261-22-27; domauezov@mail.ru
الماتى