مەملەكەت باسشىسى قاسىم-جومارت توقاەۆ ۇكىمەتكە مادەنيەت سالاسىنىڭ قىزمەتكەرلەرىنىڭ ايلىعىن كوتەرۋدى تاپسىردى.
«مادەنيەت قىزمەتكەرلەرىن قولداۋ قاجەت. ءبىز مادەنيەت سالاسىندا ەڭبەك ەتەتىن ادامدارعا جەتكىلىكتى تۇردە كوڭىل بولمەي وتىرمىز. بۇل ەڭ الدىمەن كىتاپحانا, مۋزەي, تەاتر قىزمەتكەرلەرىنە قاتىستى ماسەلە. ولاردىڭ ەڭبەكقاقىسى سوڭعى جىلدارى مۇلدە كوبەيگەن جوق. سونىڭ سالدارىنان مادەنيەت قىزمەتكەرلەرى, اسىرەسە جاس ماماندار جەڭىلدىگى بار تۇرعىن ءۇي باعدارلامارىنا قاتىسا المايدى. مۇنداي احۋال وسى كاسىپتىڭ بەدەلىن ءتۇسىرىپ, لايىقتى كادرلاردىڭ تاپشىلىعى ايقىن سەزىلۋدە. وسى ماسەلەگە قاتىستى ۇكىمەتكە كەلەسى جىلدان باستاپ مادەنيەت قىزمەتكەرلەرىنىڭ جالاقىسىن كوبەيتۋدى تاپسىرامىن», دەدى قاسىم-جومارت توقاەۆ قازاقستان حالقىنا جولداۋىندا.
سونداي-اق مەملەكەت باسشىسى ءبىلىم بەرۋ جانە دەنساۋلىق ساقتاۋ سالالارىنداعى مىندەتتى الەۋمەتتىك جەڭىلدىكتەر مادەنيەت سالاسىنىڭ وكىلدەرىنە دە بەرىلۋى كەرەك ەكەنىن ايتتى.