پرەزيدەنت قاسىم-جومارت توقاەۆ قازاقستان حالقىنا جولداۋىندا وقۋشىلاردى ساپالى وقۋلىقپەن قامتۋدى تاپسىردى.
«وقۋلىق ساپاسىنىڭ تومەندىگى وزەكتى ماسەلە. وقۋشىلاردى ساپالى وقۋلىقپەن قامتاماسىز ەتۋ - ءتيىستى مينيسترلىكتىڭ تىكەلەي مىندەتى. مۇعالىمدەر مەن وقىتۋشىلاردىڭ الەۋمەتتىك جاعدايىن جاقسارتپاساق بۇل شارالار جۇزەگە اسا قويمايدى. سوندىقتان مەن تامىز كونفەرەنتسياسىندا الداعى ءتورت جىل ىشىندە مۇعالىمدەردىڭ ەڭبەكاقىسىن 2 ەسەگە ارتتىرۋدى تاپسىردىم. بۇل كەلەسى جىلدان باستاپ ۇستازداردىڭ جالاقىسى 25 پايىزعا دەيىن وسەدى دەگەن ءسوز», دەدى قاسىم-جومارت توقاەۆ ءوز جولداۋىندا.