بيىل شەت مەملەكەتتىڭ تىركەۋ نومىرلەرىمەن 50 مىڭعا جۋىق قۇقىقبۇزۋشىلىق بولعان. ەلىمىزدە ەۋرازيالىق ەكونوميكالىق وداققا كىرگەن ەلدەردىڭ اۆتوكولىكتەرى مىندەتتى تۇردە ۋاقىتشا تىركەۋدەن ءوتۋى مۇمكىن. مۇنداي جاڭاشىلدىق شەتەلدىك ءنومىر تاققان تەمىر تۇلپارلاردىڭ ءجيى جول كولىك اپاتىن جاساپ, جاۋاپكەرشىلىككە تارتىلماي جاتقاندىقتان جاسالىپ وتىر. بۇل تۋرالى اقپارات kolesa.kz پورتالىندا جاريالاندى.
سەبەبى, قازاقستاندا رەسەي, ارمەنيا, قىرعىزستان سەكىلدى ەلدەردىڭ كولىك قۇرالدارىنىڭ دەرەكتەر بازاسى جوق. سوندىقتان, پوليتسەيلەر زاڭ بۇزۋشىلىقتى دەرەۋ انىقتاۋعا مۇمكىندىكتەرى بولماي وتىر. ال زاڭناماعا سۇيەنسەك, جاۋاپكەرشىلىككە تارتۋ مەرزىمى قۇقىق بۇزىلعان ۋاقىتتان باستاپ ەكى ايدى قۇرايدى. ول ۋاقىت وتكەن سوڭ جاۋاپكەرشىلىككە تارتۋ مۇمكىن بولمايدى دەيدى ءتارتىپ ساقشىلارى. سونداي-اق, ۋاقىتشا تىركەۋ كەزىندە حالىققا قىزمەت كورسەتۋ ورتالىقتارىنا بارۋدىڭ قاجەتى جوق. اتالعان پروتسەسس ونلاين جۇرەتىندىكتەن, ۋاقىتتى ۇنەمدەيدى. ازىرگە زاڭعا تۇزەتۋلەردى قابىلداۋ ءدۇيىم ەلمەن اقىلداسقان سوڭ قابىلدانادى.
ايتا كەتەيىك, ىشكى ىستەر مينيسترلىگىنىڭ دەرەگىنشە, بىلتىر شەت مەملەكەتتەردىڭ تىركەۋ نومىرلەرىمەن 42 مىڭ قۇقىقبۇزۋشىلىق, ال جىل باسىنان بەرى 50 مىڭعا جۋىعى تىركەلگەن.
الماتى