قازىرگى كەزدە ەلباسى ن.نازارباەۆتىڭ قازاقستان حالقىنا جىل سايىنعى جولداۋلارىن ىسكە اسىرۋ ماقساتىندا ەلىمىزدىڭ جەر-جەرىندە وتاندىق ۇلەستى ارتتىرۋ, ءوندىرىس ورىندارىن كوبەيتۋ, بانك سالاسىندا وتاندىق ءونىمدى جەتكىزۋشىلەر مەن قىزمەت كورسەتۋشىلەرگە قولداۋ كورسەتۋ جۇمىستارىنىڭ اتقارىلىپ جاتقانى بەلگىلى.
وسى كۇندەرى بۇل شارالاردىڭ نەگىزگى ۇيلەستىرۋشىسى يندۋستريا جانە جاڭا تەحنولوگيالار مينيسترلىگى بولسا, “سامۇرىق-قازىنا” قورى مەن ونىڭ قۇرامىنا كىرەتىن “قازاقستاننىڭ دامۋ بانكى” اق ۇكىمەتكە وتاندىق ۇلەستى ارتتىرۋدا جانە ونىڭ باسقا دا باعدارلامالارىن ىسكە اسىرۋدا بارىنشا قولداۋ كورسەتىپ جاتقان قۇرىلىمداردىڭ ءبىرى بولىپ وتىرعانى ءمالىم.
تاياۋدا استانادا وسى ماسەلەگە بايلانىستى “قازاقستاننىڭ دامۋ بانكى” اق-تىڭ ۇيىمداستىرۋىمەن “قازاقستاندىق ۇلەس. قازاقستاننىڭ دامۋ بانكىنىڭ زاەم الۋشىلاردى قولداۋ شارالارى” اتتى تاقىرىپتا جيىن ءوتىپ, وندا اتالمىش مينيسترلىك پەن قۇرىلىمدار باسشىلارى تاراپىنان وتاندىق ۇلەستى ارتتىرۋدا ۇكىمەتتىڭ ۇستانعان ساياساتى مەن جۇزەگە اسىرىپ جاتقان شارالارى تۋرالى كەڭىرەك مالىمەت بەرىلدى. وندا “قازاقستاننىڭ دامۋ بانكى” اق-تىڭ باسقارما توراعاسى عالي ەسقاليەۆ بانكتىڭ زاەم الۋشىلاردى قولداۋ شارالارى, “سامۇرىق-قازىنا-كونتراكت” جشس باس ديرەكتورىنىڭ ورىنباسارى نۇرلان نۇرعاليەۆ وتاندىق تاۋار وندىرۋشىلەردى قولداۋ قازاقستاندىق ۇلەستى دامىتۋدىڭ ءبىر ءتاسىلى ەكەندىگى جونىندە ءوز پىكىرلەرىن بىلدىرسە, “قازاقستاندىق كەلىسىم-شارت اگەنتتىگى” اق-تىڭ باسقارما توراعاسىنىڭ ورىنباسارى قۇرمانعازى نۇعىمانوۆ, يندۋستريا جانە جاڭا تەحنولوگيالار ۆيتسە-ءمينيسترى ەرحات ەسقاليەۆ, “قازاقستاننىڭ دامۋ بانكى” اق-تىڭ باسقارما توراعاسىنىڭ ورىنباسارى ءمۇسىلىم بەكتەپ, مينيسترلىكتىڭ سىرتقى ساۋدا ساياساتى دەپارتامەنتىنىڭ وكىلى جانەل كوشكىنوۆا مەن باسقا دا ماماندار ساتىپ الۋدا وتاندىق ۇلەستى قامتاماسىز ەتۋ, بىرلەسكەن كاسىپورىندار قۇرۋ مەن كەدەندىك وداق اياسىندا قازاقستاندىق ۇلەستى ارتتىرۋ ماسەلەلەرى بويىنشا ويلارىمەن ءبولىستى.
سونىمەن بىرگە, مۇندا وتاندىق شيكىزاتتى قايتا وڭدەۋ ءۇشىن جاڭا كاسىپورىندار قۇرۋ, ءتيىمدى جوبالاردى ىسكە اسىرۋ مەن جاڭا ونىمدەردى وتكىزۋ ماقساتىندا بانكتىڭ زاەم الۋشىلاردى جانە ونىڭ قۇرامىنداعى “قازاقستاننىڭ دامۋ بانكى-ليزينگ” اق-تىڭ ليزينگ الۋشىلارىن قولداۋ ماسەلەلەرى قارالدى. جيىندا وسى ماسەلەنى تالقىلاۋ بارىسىندا “قازاقستاننىڭ دامۋ بانكى” اق-تىڭ زاەم الۋشىلارى مەن تاۋار جەتكىزۋشى كومپانيالار اراسىندا ىنتىماقتاستىق جانە كەلىسىم تۋرالى مەموراندۋمعا قول قويىلدى.
قازىرگى كۇنى قدب كاپيتال سىيىمدى جانە ۇزاق مەرزىمدى ينۆەستيتسيالىق جوبالاردى جۇزەگە اسىرۋدا تاجىريبەسى مول, ۇكىمەتتىڭ داعدارىسقا قارسى باعدارلامالارىن ىسكە اسىرۋشىلار اراسىندا بەلسەندى قۇرىلىم رەتىندە ەلىمىزدىڭ يندۋستريالىق ستراتەگياسىنىڭ نەگىزگى وپەراتورلارىنىڭ ءبىرى بولىپ وتىرعانى بەلگىلى. وسى كۇندەرى بانكتىڭ نەگىزگى كورسەتكىشتەرىنىڭ ءوسۋى, نەسيەلىك پورتفەلدىڭ كولەمى, جوعارى رەيتينگتەر, اكتسيونەرلەر جانە مەملەكەت تاراپىنان كورسەتىلەتىن قولداۋى مەن مەنەدجمەنتى العا قويىلعان ستراتەگيالىق ماقساتتاردى ۇتىمدى شەشۋگە مۇمكىندىك بەرۋدە.
اتالعان جيىندا وعان قاتىسقان “قازاقمىس كورپوراتسياسى” جشس, “ارسەلور ميتتال تەمىرتاۋ” اق, “وسكەمەن تيتان-ماگني كومبيناتى” اق, “تەڭىزشەۆرويل” جشس, ENRC, North ءCaspىan ءOperatىng Company كومپانيالارىنىڭ وكىلدەرى “قازاقستاننىڭ دامۋ بانكى” اق-تىڭ وسى باعىتتاعى جۇمىسىنا نازار اۋدارىپ, ونىڭ وتاندىق ۇلەستى ارتتىرۋداعى شارالارىنا قولداۋ بىلدىرەتىندەرىن مالىمدەدى.
داستان كەنجالين.