مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل جونىندەگى دەپارتامەنتتىڭ جاڭا باسشىسى لاۋازىمىنا ايگۇل بەيبىتبايقىزى بايحانوۆا تاعايىندالدى, دەپ حابارلادى وبلىس اكىمىنىڭ ءباسپاسوز قىزمەتى.
ا.بايحانوۆا 1973 جىلى قىزىلوردا وبلىسىندا دۇنيەگە كەلگەن. قازاق مەملەكەتتىك باسقارۋ اكادەمياسىن «قارجى جانە نەسيە» ماماندىعى بويىنشا, بولاشاق ۋنيۆەرسيتەتىن «قۇقىقتانۋ» ماماندىعى بويىنشا ءتامامدادى. قر پرەزيدەنتى جانىنداعى مەملەكەتتىك باسقارۋ اكادەمياسىنىڭ ماگيسترانتى.
ەڭبەك جولىن 1992 جىلى قىزىلوردا وبلىسىنداعى سىرداريا اۋدانى بويىنشا مەملەكەتتىك سالىق ينسپەكتسياسىنىڭ مامانى بولىپ باستاعان. 1996 جىلدان 2002 جىلعا دەيىن قىزىلوردا وبلىستىق قازىناشىلىق باسقارماسىندا ءارتۇرلى لاۋازىمداردا جۇمىس ىستەدى.
2002 جىلى قىزىلوردا وبلىسى بويىنشا جوعارعى سوت جانىنداعى سوت اكىمشىلىگى جونىندەگى كوميتەتتىڭ قارجى ماسەلەلەرى بويىنشا سوتتار اكىمشىسىنىڭ ورىنباسارى بولىپ تاعايىندالعان.
2005-2007 جىلدارى استانا قالاسى بويىنشا قارجى دەپارتامەنتىندە ءار ءتۇرلى لاۋازىمدارىندا جۇمىس اتقاردى.
2007-2009 جىلدار ارالىعىندا قازاقستان رەسپۋبليكاسى ەكونوميكا جانە بيۋدجەتتىك جوسپارلاۋ مينيسترلىگىندە ءارتۇرلى لاۋازىمداردا جۇمىس ىستەگەن.
2009 جىلدان 2010 جىلعا دەيىن رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتى جيىنتىق-تالداۋ ءبولىمىنىڭ باس ساراپشىسى, باس كونسۋلتانتى قىزمەتتەرىن اتقاردى.
2010 جىلدان 2016 جىلعا دەيىن قازاقستان رەسپۋبليكاسى پرەزيدەنتى اكىمشىلىگىنىڭ ستراتەگيالىق ازىرلەمەلەر جانە تالداۋ ورتالىعىنىڭ ءار ءتۇرلى لاۋازىمدارىندا جۇمىس ىستەگەن.
2016 جىلدىڭ قازان ايىنان 2019 جىلدىڭ شىلدەسى ارالىعىندا قازاقستان رەسپۋبليكاسى مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ الماتى قالاسى بويىنشا دەپارتامەنتىنىڭ باسشىسى بولىپ قىزمەت اتقاردى.
قاراعاندى وبلىسى