Nur Otan پارتياسىنىڭ الماتى قالالىق فيليالىندا پارتيانى قايتا جاڭعىرتۋ تۋرالى ماسەلەلەر پىسىقتالدى.
الماتىدا پارتيانىڭ ساياسي كەڭەسىنىڭ مۇشەسى, اقف توراعاسى, الماتى قالاسىنىڭ اكىمى باقىتجان ساعىنتاەۆتىڭ قاتىسۋىمەن Nur Otan پارتياسى الماتى قالالىق فيليالى ساياسي كەڭەسىنىڭ كەڭەيتىلگەن وتىرىسى ءوتتى. وتىرىس بارىسىندا Nur Otan پارتياسى الماتى قالالىق فيليالىنىڭ پارتيانى قايتا جاڭعىرتۋ تۋرالى ساياسي كەڭەسىنىڭ شەشىمدەرىن جۇزەگە اسىرۋ جونىندەگى مىندەتتەرى تۋرالى ماسەلەلەرى قارالدى.
ساياسي كەڭەستە باقىتجان ساعىنتاەۆ ازاماتتاردىڭ پارتيامەن جانە اتقارۋشى ورگاندارمەن ديالوگىن كۇشەيتۋدىڭ ماڭىزدىلىعىن اتاپ ءوتتى. وسى ارقىلى حالىقتىڭ وزەكتى ماسەلەلەرىن شەشۋ قاجەت.
«بىزدە «باقىتتى وتباسى – الماتى» قورىنىڭ جۇمىسى جولعا قويىلدى. تاجىريبە بار. بۇگىندە 3 مىڭعا جۋىق اناعا كومەك كورسەتىلدى. ءبىر اي بۇرىن رەسپۋبليكادا العاش بولىپ ء«موبيلدى حالىققا كومەك» جوباسىن ىسكە قوستىق. وسى ۋاقىت ىشىندە قالا شەتىندە ورنالاسقان بازارلار مەن ۆوكزالداردا مەمورگان باسشىلارى مەن دەپۋتاتتار 1300 ادامدى قابىلدادى. ماسەلەنىڭ 67 پايىزى وڭ شەشىمىن تاپتى. ءماسليحات دەپۋتاتتارى باسشىلىق ەتكەن الەۋمەتتىك جانە ينجەنەرلىك ينفراقۇرىلىم نىسانداردا 60 پارتيالىق باقىلاۋ بەكەتتەرى ورنالاستىرىلدى», - دەدى باقىتجان ساعىنتاەۆ.
جيىندا اقف توراعاسى باقىتجان ساعىنتاەۆ بىرقاتار شەشىم قابىلدادى. اپتا سايىن ب.ساعىنتاەۆتىڭ قاتىسۋىمەن Nur Otan پارتياسىنىڭ فيليالىندا وزەكتى ماسەلەلەر بويىنشا شۇعىل جيىندار وتكىزۋ, فيليال جانىنان الەۋمەتتىك-ەكونوميكالىق ماسەلەلەردى قاراۋ جونىندەگى ازاماتتىق كوميتەت قۇرىلادى. بۇل كوميتەت مەمورگاندارمەن بىرلەسىپ, ماسەلەنىڭ شەشۋ جولدارى مەن ولاردىڭ ورىندالۋىن باقىلايدى. سونداي-اق ماسليحاتتاعى فراكتسيانىڭ ءرولىن ارتتىرۋ, Jas Otan جانە الماتى قالاسىنىڭ قوعامدىق كەڭەسىنىڭ جەتەكشىلىگىمەن جوو-داعى جەمقورلىققا قارسى مونيتورينگ جۇرگىزۋ جانە قالا اكىمدىگى جانىنداعى جاستار ساياساتى جونىندەگى كەڭەستىڭ جۇمىسىن جانداندىرۋ.
ءىس-شاراعا الماتى قالالىق پارتيا فيليالىنىڭ ساياسي كەڭەسى مەن دەپۋتاتتىق فراكتسياسىنىڭ مۇشەلەرى, باستاۋىش پارتيا ۇيىمدارىنىڭ وكىلدەرى, اكىم ورىنباسارلارى, اۋدان اكىمدەرى جانە باسقارما باسشىلارى قاتىستى.
الماتى