سەيسەنبى, 29 قاڭتار 2013 7:45
وبلىس اكىمدىگى جانىنداعى جاستار ساياساتى جانە پاتريوتتىق تاربيە بەرۋ كەڭەسىنىڭ العاشقى وتىرىسى وتكىزىلدى. اۋدان جانە قالا اكىمدەرىنىڭ ورىنباسارلارى, وبلىستىق باسقارمالار, اۋداندىق جانە قالالىق ىشكى ساياسات بولىمدەرىنىڭ باستىقتارى, جوعارى جانە كاسىبي-تەحنيكالىق وقۋ ورىندارى باسشىلارى, جاستار ءىسى جونىندەگى كوميتەت توراعالارى قاتىسقان كەڭەستىڭ وتىرىسىندا ءوڭىر جاستارىنىڭ «جۇمىسپەن قامتۋ-2020» مەملەكەتىك باعدارلاماسىنا قاتىسۋى, «قولجەتىمدى باسپانا -2020» باعدارلاماسى اياسىندا 2013 جىلعا ارنالعان تۇرعىن ءۇي ماسەلەسىن شەشۋگە مەملەكەت تاراپىنان جۇزەگە اسىرىلاتىن شارالار, تەحنيكالىق جانە كاسىپتىك وقۋ ورىندارىن بىتىرگەن تۇلەكتەردىڭ جۇمىسقا ورنالاسۋ جايى, «ديپلوممەن – اۋىلعا!» باعدارلاماسىنىڭ جۇزەگە اسىرىلۋى ماسەلەلەرى كەڭىنەن تالقىلاندى.
سەيسەنبى, 29 قاڭتار 2013 7:45
وبلىس اكىمدىگى جانىنداعى جاستار ساياساتى جانە پاتريوتتىق تاربيە بەرۋ كەڭەسىنىڭ العاشقى وتىرىسى وتكىزىلدى. اۋدان جانە قالا اكىمدەرىنىڭ ورىنباسارلارى, وبلىستىق باسقارمالار, اۋداندىق جانە قالالىق ىشكى ساياسات بولىمدەرىنىڭ باستىقتارى, جوعارى جانە كاسىبي-تەحنيكالىق وقۋ ورىندارى باسشىلارى, جاستار ءىسى جونىندەگى كوميتەت توراعالارى قاتىسقان كەڭەستىڭ وتىرىسىندا ءوڭىر جاستارىنىڭ «جۇمىسپەن قامتۋ-2020» مەملەكەتىك باعدارلاماسىنا قاتىسۋى, «قولجەتىمدى باسپانا -2020» باعدارلاماسى اياسىندا 2013 جىلعا ارنالعان تۇرعىن ءۇي ماسەلەسىن شەشۋگە مەملەكەت تاراپىنان جۇزەگە اسىرىلاتىن شارالار, تەحنيكالىق جانە كاسىپتىك وقۋ ورىندارىن بىتىرگەن تۇلەكتەردىڭ جۇمىسقا ورنالاسۋ جايى, «ديپلوممەن – اۋىلعا!» باعدارلاماسىنىڭ جۇزەگە اسىرىلۋى ماسەلەلەرى كەڭىنەن تالقىلاندى.
ەلباسى نۇرسۇلتان نازارباەۆتىڭ «قازاقستان-2050» ستراتەگياسى – قالىپتاسقان مەملەكەتتىڭ جاڭا ساياسي باعىتى» اتتى قازاقستان حالقىنا جولداۋىندا دا جاستارعا «سىزدەر جاڭا باعىتتىڭ قوزعاۋشى كۇشىنە اينالۋعا تيىسسىزدەر», دەپ قاداپ ايتۋى تەگىن ەمەس. جاستار قاشاندا قوعامنىڭ قوزعاۋشى كۇشى بولىپ تابىلادى. سوندىقتان دا جاستار ساياساتىن قالىپتاستىرۋعا, ولاردىڭ وزەكتى ماسەلەلەرىن شەشۋگە ۇدايى كوڭىل ءبولىنىپ كەلەدى. سوڭعى 7 جىلدا عانا جاستار ساياساتىن قارجىلاندىرۋ 20 ەسەدەن اسا وسكەن ەكەن. ستاتيستيكالىق ءمالىمەتتەر بويىنشا, وبلىس تۇرعىندارىنىڭ ۇشتەن ءبىرىن جاستار قۇرايدى. «جۇمىسپەن قامتۋ-2020» باعدارلاماسىن جۇزەگە اسىرۋ ماقساتىندا, 2012 جىلى باعدارلاماعا قاتىسۋعا ءوز بەتىنشە جۇمىسپەن اينالىسۋشىلار, جۇمىسسىزدار جانە از قامتىلعاندار ءىشىنەن 5000-عا جۋىق ادامدى تارتۋ جوسپارلانسا, ءىس جۇزىندە 5093 ادام تارتىلدى, سونىڭ ىشىندە 3 229 ادام 29 جاسقا دەيىنگى جاستاردى قۇرايدى. الداعى ۋاقىتتا جىل سايىن «جۇمىسپەن قامتۋ-2020» باعدارلاماسى اياسىندا 500-گە جۋىق ادامدى وقىتۋ كوزدەلۋدە.
سونىمەن قاتار, جاستاردى «جاسىل ەل», «اتامەكەن» ەڭبەك جاساقتارىنا, «اۋىلدىڭ گۇلدەنۋى – قازاقستاننىڭ گۇلدەنۋى» مارافون-ەستافەتاسىنا جۇمىلدىرۋ قولدا بار ەڭبەك الەۋەتىنىڭ تيىمدىلىگىن ارتتىرۋعا جانە جۇمىسسىزدىقتىڭ وسۋىنە جول بەرمەۋىنە سەپتىگىن تيگىزدى. بۇگىنگى تاڭدا وبلىستا جالپى جۇمىسسىزدىق دەڭگەيى 5,0 پايىز, ال جاستار جۇمىسسىزدىعىنىڭ دەڭگەيى 2,3 پايىزدى قۇرايدى.
سوڭعى 3 جىلدا تەحنيكالىق جانە كاسىپتىك ءبىلىم بەرۋ وقۋ ورىندارىنىڭ جەلىسى مەملەكەتتىك ەمەس سەكتورلار ەسەبىنەن ءوستى, بۇگىنگى تاڭدا وبلىستاعى 42 وقۋ ورنىندا 38 مىڭنان استام جاستار ءبىلىم الۋدا. وبلىس تۇلەكتەردى جۇمىسپەن قامتاماسىز ەتۋدە رەسپۋبليكا بويىنشا 2012 جىلى 2 ەكىنشى ورىنعا تابان تىرەدى. بۇل جوعارى كورسەتكىش تەحنيكالىق جانە كاسىپتىك ءبىلىم بەرۋ وقۋ ورىندارى مەن الەۋمەتتىك سەرىكتەستەردىڭ بىرلەسكەن جۇمىسىنىڭ ناتيجەسى. كوللەدج تۇلەكتەرىن جۇمىسپەن قامتۋ كورسەتكىشىن 90 پايىزعا دەيىن جەتكىزۋ جولىندا جۇمىستار ىستەلۋدە.
«ديپلوممەن – اۋىلعا!» باعدارلاماسى جۇزەگە اسىرىلعان 2009-2012 جىلداردا اۋىلدىق جەرلەرگە 1680 مامان كەلدى, وسى كەزەڭدە 719 ملن. 742 مىڭ تەڭگە بيۋدجەتتىك نەسيەلەر ءبولىندى, ياعني 493 مامان تۇرعىن ءۇي ساتىپ الدى, 1600 مامان 172 ملن. تەڭگە كوتەرمەلەۋ جاردەماقىعا يە بولدى. الدا تۇرعان ءۇش جىلدا 1500-دەن استام ماماندى تارتۋ ءۇشىن رەسپۋبليكالىق بيۋدجەتتەن 805,6 ملن. تەڭگە ءبولۋ جوسپارلانىپ وتىرعان كورىنەدى.
«قولجەتىمدى باسپانا-2020» مەملەكەتتىك باعدارلاماسىن جۇزەگە اسىرۋدىڭ 2012-2020 جىلدارعى كەزەڭىندە 4,0 ميلليون شارشى مەتر تۇرعىن ءۇي سالۋ كوزدەلۋدە.
كەڭەس وتىرىسىن قورىتىندىلاعان وبلىس اكىمى ارحيمەد مۇحامبەتوۆ كوتەرىلىپ وتىرعان ماسەلەلەردىڭ ماڭىزدىلىعىن العا تارتا وتىرىپ, اۋدان اكىمدەرى مەن باسقارما باستىقتارىنا جاستار ساياساتىنىڭ پروبلەمالارىن وڭ شەشۋدىڭ ناقتى جولدارىن كورسەتىپ, تاپسىرمالار بەردى. جيىن سوڭىندا ءوڭىردىڭ الەۋمەتتىك-ەكونوميكالىق جانە مادەني دامۋىنا بەلسەندى ۇلەس قوسقان جاستار قوعامدىق بىرلەستىكتەرى جانە جاستار ساياساتى باعدارلاماسىن اقپاراتتىق قامتاماسىز ەتۋدە ۇزدىك دەپ تانىلعان باق وكىلدەرى ماراپاتتالدى.
ساتىبالدى ءساۋىرباي,
«ەگەمەن قازاقستان».
اقتوبە.