بۇل ماسەلەگە الماتى قالاسىنىڭ اكىمى باقىتجان ساعىنتاەۆ الماتى وبلىسىنىڭ اكىمىمەن سويلەسىپ, شەشۋ جولىن قاراستىراتىنىن ايتتى.
قالا تۇرعىندارىنىڭ ايتۋىنشا, قۇرىلىسقا قاجەتتى تاس شىعاراتىن كاسىپورىن كوپتەن بەرى ەلدىڭ ەسىن شىعارعان. زاۋىتقا قاتىستى سان مارتە شاعىم تاستاعانىمەن, ماسەلە شەشىلمەي كەلەدى. كۇنى كەشە قالا اكىمىمەن كەزدەسۋگە كەلگەن ناۋرىزبايلىقتار پروبلەمانى تاعى كوتەردى. بۇل تۋرالى اۋدان تۇرعىندارىنىڭ قالا اكىمىمەن كەزدەسۋىندە بەلگىلى بولدى.
ال قالا اكىمى باقىتجان ساعىنتاەۆ بولسا, سول كۇننەن قالدىرماي الماتى وبلىسىنىڭ اكىمىمەن سويلەسىپ, شەشۋ جولىن قاراستىراتىنىن ايتقان بولاتىن.
«كارەر اقساي» جشس باس تەحنولوگى اناتولي گروشەنكوۆتىڭ ايتۋىنشا, قولدارىندا ء تيىستى ورگانداردىڭ زاۋىتتىڭ قىزمەتىن جۇرگىزۋگە بەرگەن رۇقسات قۇجاتتارى بار. «زاۋىت قۇرىلعان تۇستا بۇل ماڭدا بىردە ءبىر ءۇي بولماعان. قازىر حالىق قونىستانىپ كەتتى. ولارعا ەشقانداي قيىندىق تۋعىزىپ وتىرعان جوقپىز», دەيدى ول تۇرعىندارمەن كەزدەسكەن كەزدە.
الماتى قالاسى ناۋرىزباي اۋدانى اكىمىنىڭ ورىنباسارى اسىلحان ورىنبەكوۆتىڭ ايتۋىنشا, اقساي كارەرىن جابۋ تۋرالى اعىمداعى جىلدىڭ شىلدە ايىندا الماتى قالاسى مەن قاراساي اۋدانى اكىمدىگىنىڭ ماماندارى كەزدەسىپ, 1-1,5 اي ىشىندە شەشىم قابىلداناتىنىن ايتقان.
ازىرگە تۇرعىندارعا سابىرلىق تانىتىپ, ءبىراز شىداۋعا تۋرا كەلەدى. سەبەبى, قاراساي اۋدانى اكىمدىگىنىڭ ناقتى قانداي شەشىم شىعارارى ءالى بەلگىسىز.
الماتى