بىلەكتى بالۋاندار نۇر-سۇلتاندا بەلدەسەدى

الەم چەمپيوناتىندا وليمپيا ويىندارىنا جولداما الۋ ءۇشىن ەلوردا­عى «بارىس ارەنا» مۇز سارايىندا 100 ەلدىڭ مىڭعا جۋىق ەڭ مىقتى دەگەن بالۋانى كۇش سىناسادى. مۇنداي اۋقىم­دى سپورتتىق ءىس-شارا سپورت قاۋىم­داس­تىعىندا ۇلكەن قىزىعۋشىلىق تۋدىرادى. سونىمەن قاتار جاھاندىق بىرىن­شىلىككە 200-گە جۋىق باق وكىلدەرى تىركەلىپ, 7000-نان استام جانكۇيەر باي­راق­تى باسەكەگە بيلەت الىپ ۇلگەرگەن.

ەلوردامىزعا بالۋانداردان بولەك, الەمدىك دارەجەدەگى مارتەبەلى مەيماندار دا اتباسىن تىرەمەك. ولاردىڭ اراسىندا ارالاس جەكپە-جەكتىڭ (UFC) اۋىر سالماقتاعى چەمپيونى دەنيەل كورمە, سونداي-اق حالىقارالىق وليمپيادا كوميتەتىنىڭ باسشىلىعى دا كەلەدى دەپ كۇتىلۋدە. چەمپيوناتقا قاتىسۋشىلار اراسىندا دا كوپتەگەن اتاقتى سپورتشى بار. ەركىن كۇرەس وكىلدەرى اراسىندا 97 كيلو سالماقتاعى رەسەيلىك «تانك» ابدۋلراشيد سادۋلاەۆ پەن امەريكالىق كايل سنايدەر اراسىنداعى بەلدەسۋدى جانكۇيەرلەر تاعاتسىزدانا كۇتىپ وتىر. سونداي-اق يتاليالىق فرانك چاميزو مەن امەريكالىق بالۋان دجوردان بارروۋزدىڭ اراسىندا دا بوزكىلەم ۇستىندە تاماشا بەلدەسۋ ءوتۋى مۇمكىن. ءۇش دۇركىن وليمپيادا چەمپيونى, گرەك-ريم كۇرەسى بويىنشا كۋبالىق ميحاين لوپەز نۇر-سۇلتانعا وليمپيادا جولداماسىن جەڭىپ الۋ ءۇشىن جانە وليمپيادانىڭ ءتورت دۇركىن جەڭىمپازى, ەرلەر مەن قىزدار اراسىنداعى العاشقى جانە جالعىز با­لۋان جاپوندىق كاوري يچوعا تەڭەسۋ ءۇشىن كەلەدى.

ال كۇ­رەس تۇرلەرىنەن الەم چەمپيو­نا­تىن ۇيىمداستىرۋ كوميتەتىنىڭ توراعاسى ەرلان قوجاسباي كۇرەس تاري­حىن­­داعى ەڭ اۋقىمدى الەم چەمپيونا­تىن وتكىزۋدى جوس­پارلاپ وتىرمىز دەيدى. «ال­دا جاۋاپتى ic-شارا كۇتىپ تۇر. ءبىز وعان تولىعىمەن دايىنبىز دەپ سەنىم­مەن ايتا الامىن. الدىمىزدا قويىل­عان ماقسات – كۇرەس تاريحىنداعى ەڭ اۋقىمدى الەم چەمپيوناتىن وتكىزۋ. قازاق­ستاندىق بالۋاندارعا كەلەر بولساق, بىرنە­شە كۇن بۇرىن 65 كيلو, 86 كيلو, 92 كيلو جانە 125 كيلو سالماقتارىندا ەركىن كۇرەس شەبەرلەرى اراسىندا قورى­تىن­دى بەلدەسۋلەرى وتكىزىلدى. وسى سال­­ماقتاردا ەكى ۇمىتكەردەن بولدى. الايدا ۇلتتىق قۇرامانىڭ باس باپ­كە­رى اسەت سەرىكباەۆ جانە كەڭەسشى-جات­تىقتىرۋشى مايربەك يۋسۋپوۆ باس­قا­راتىن جاتتىقتىرۋشىلار شتابىمەن ەكى رەت جەڭىسكە جەتكەن, ءادىل تاڭداۋ ناتي­جە­سى بويىنشا, الەم چەمپيوناتىندا ەلىمىزدىڭ نامىسىن قورعايتىن ۇلتتىق قۇرامانىڭ سوڭعى قۇرامى انىقتالدى. جاتتىقتىرۋشىلار قۇرامى ءوزىنىڭ جوعا­رى بىلىكتىلىگىنە ساي, بالۋاندارىمىزدى دۇرىس فۋنكتسيونالدى, فيزيكالىق جانە مورالدىق-پسيحولوگيالىق كۇيدە الەم چەمپيوناتىنا جەتكىزۋىنە ءۇمىت ارتىپ, سپورتشىلارىمىزدىڭ ساپالى جانە ادەمى ونەر كورسەتەتىنە سەنىمدىمىز», دەدى ۇيىمداستىرۋ كوميتەتىنىڭ توراعاسى ەرلان قوجاسباي.

قازىرگى تاڭدا الەم بىرىنشىلىگىنە قاتىساتىن ەركىن جانە قىزدار كۇرەسىنىڭ تولىق ءتىزىمى جاريالاندى. ەركىن كۇرەستەن قازاقستان كومانداسىنىڭ باس باپ­كە­رى اسەت سەرىكباەۆ نۇر-سۇلتانداعى الەم چەمپيوناتىنا قاتىساتىن بال­ۋان­­داردى اتادى. جوعارىدا اتاپ وتكەن­دەي باپكەرلەر كەڭەسى 65, 86, 92 جانە 125 كيلوداعى ۇزدىك بالۋاندى انىقتاۋ ءۇشىن قوسىمشا بەلدەسۋلەر ۇيىمداستىردى. 65 كيلودا داۋلەت نيازبەكوۆ پەن ساياتبەك وقاسوۆ كۇرەسىپ, تاجىريبەلى داۋلەت جەڭىسكە جەتتى. ول وسى سالماقتا الەم چەمپيوناتىنا قاتىسۋ قۇقىعىن جەڭىپ الدى. سونداي-اق 86 كيلوداعى ادىلەت داۋلەمباەۆ پەن ازامات داۋلەتبەكوۆ اراسىنداعى بەلدەسۋدىڭ جەڭىمپازى بولىپ ادىلەت تانىلدى. 92 كيلوداعى ەرالى ابدىراشەۆ پەن نۇرعالي نۇرعايىپ ۇلىنىڭ اراسىنداعى كەزدەسۋ سوڭعىسىنىڭ جەڭىسىمەن اياقتالدى. 125 كيلودا ولەگ بولتين يۋسۋف باتىرمۇرزاەۆتان باسىم ءتۇستى. وسىلايشا, الەم چەمپيوناتىنا قاتىساتىن بالۋاندار قاتارىنا قوسىلدى.

ەركىن كۇرەستەن ليتسەنزيالىق الەم چەم­پيوناتىنا قاتىساتىن قازاقستان قۇ­راما­سىنىڭ ءتىزىمى: نۇريسلام ساناەۆ (57 كگ), راسۋل قاليەۆ (61 كگ), داۋلەت نيازبەكوۆ (65 كگ), نۇرعوجا قايپانوۆ (70 كگ), دانيار قايسانوۆ (74 كگ), عالىمجان وسەرباەۆ (79 كگ), ادىلەت داۋلەمباەۆ (86 كگ), نۇرعالي نۇرعايىپ ۇلى (92 كگ), الىشەر ەرعالي (97 كگ) جانە ولەگ بولتين (125 كگ).

سونداي-اق باس باپكەر اسەت سەرىكباەۆ ءبىزدىڭ بالۋانداردىڭ باستى قار­­سى­لاستارى تۋرالى ءوز پىكىرىمەن ءبو­لىس­تى. «ارينە, الەمدە مىقتىلار وتە كوپ. ەركىن كۇرەستەن رەسەيدىڭ ءباسى مىقتى ەكەنىن بىلەسىزدەر. ودان بولەك, گرۋزيا, ازەربايجان, يران قۇرامالارىندا بەلگىلى ءبىر سالماقتاردا الەم ۇزدىكتەرى بار. ءبىزدىڭ سپورتتا امەريكالىقتاردىڭ اتوي سالاتىنىن بىلەسىزدەر. دەگەنمەن, مەن جىگىتتەرگە سەنەمىن. بىزدە دە جاقسى بالۋاندار كوپ. ەشكىمدى ءبولىپ-جارعىم كەلمەيدى. مەنىڭ الدىمدا ءبارى تەڭ, ءبارى بىردەي. كىلەمگە شىعاتىن جىگىتتەردىڭ بارلىعىنا دا ۇلكەن ءۇمىت ارتىپ وتىرمىن», دەدى ءا.سەرىكباەۆ.

قىزدار كۇرەسىنەن قازاقستان كومانداسى بۇل كۇندەرى رەسەيدىڭ سوچي قالا­سىندا وقۋ-جاتتىعۋ جيىندارىن وتكىزۋدە. باس باپكەر نۇرلان امان­قو­سوۆتىڭ ايتۋىنشا, الەم چەمپيوناتىنا قاتىساتىن قۇرام بەلگىلى. «سوچي قالا­سىن­دا رەسەي, ۆەنگريا, ەستونيا جانە فينليانديا قۇرامالارىمەن بىرلەسكەن وقۋ-جاتتىعۋ جيىنىن وتكىزىپ جاتىرمىز. دايىندىق جاقسى قارقىنمەن باس­تالدى. الەمدىك سىن قارساڭىنداعى سوڭعى جيىندى ەلدە وتكىزەمىز. نۇر-سۇلتانداعى الەمدىك سىنعا قاتىساتىن قۇرام 90 پايىز انىقتالدى. تەك 53 كيلودا كىمنىڭ كىلەمگە شىعاتىنىن شەشكەن جوقپىز. وسى جيىننان سوڭ ناقتى بەلگىلى بولادى», دەدى باس باپكەر.

قىزدار كۇرەسىنەن الەم چەمپيوناتىندا ەل نامىسىن مىنا بالۋاندار قورعايتىن بولادى: ۆالەنتينا يسلاموۆا (50 كگ), مارينا سەدنەۆا (55 كگ), ەمما تيسينا (57 كگ), مادينا باقبەرگەنوۆا (59 كگ), اياۋلىم قاسىموۆا (62 كگ), اينا تەمىرتاسوۆا (65 كگ), يرينا كازيۋلينا (68 كگ), ءجاميلا باقبەرگەنوۆا (72 كگ) جانە ەلميرا سىزدىقوۆا (76 كگ).

ايتا كەتەيىك, گرەك-ريم, ەركىن جانە قىزدار كۇرەسىنەن الەم چەمپيوناتى قازاقستان استاناسىندا 14-22 قىركۇيەك ارالىعىندا وتەدى. بيلەتتەردى Kassir.kz, Ticketon.kz جانە Zakazbiletov.kz سايتتارىنان ساتىپ الۋعا بولادى. الەم چەمپيو­ناتى بيلەتتەرىنىڭ قۇنى 1000 تەڭگەدەن باستالادى.