الماتى قالاسىنداعى رۋحانيات ورداسى ورتالىقتاندىرىلعان كىتاپحانا جۇيەسىنە قاراستى ساپارعالي بەگالين اتىنداعى ورتالىق قالالىق بالالار كىتاپحاناسى ءحىح عاسىردىڭ سوڭىندا سالىنعان تاريحي-ارحيتەكتۋرالىق ەسكەرتكىشتەر ساناتىندا.
العاشىندا ۆەرنىي قالاسىنىڭ ەرلەر گيمنازياسى ورنالاسقان عيمارات 1930 جىلى جەتىسۋدىڭ كوپشىلىك كىتاپحاناسىنا بەرىلىپ, العاشقى ديرەكتورى وراز جاندوسوۆ بولعانى بەلگىلى. عيماراتقا كەيىننەن 1971 جىلعا دەيىن ۇلتتىق كىتاپحانا ورنالاستى. ال 1971 جىلدان بەرگى ارالىقتان كۇنى بۇگىنگە دەيىن رەسپۋبليكالىق س.بەگالين اتىنداعى بالالار كىتاپحاناسى رەتىندە بالالاردىڭ رۋحانيات مەكەمەسى رەتىندە قىزمەت كورسەتىپ كەلەدى. بالالار كىتاپحاناسىنىڭ جەتەكشىسى الما قوناروۆانىڭ ايتۋىنشا, كىتاپحانا قورىندا بۇگىندە بەس ءجۇز مىڭعا جۋىق كىتاپ بار. مۇندا كەلۋشىلەر وزدەرىن قىزىقتىرعان كىتاپتارىنا تاپسىرىس بەرە الادى.
كىتاپ قورىن تولىقتىرۋ ورتالىقتاندىرىلعان كاىتاپحانالار جۇيەسى ارقىلى جۇزەگە اسادى. كىتاپحانا جىلىنا 18 005 وقىرماندى قامتىپ, 6 ءبولىم, 20-دان استام ۇيىرمەلەر مەن كلۋبتاردى ۇلتتىق رۋحانياتتى, قۇندىلىقتاردى دارىپتەۋ ماقساتىندا ءتۇرلى شارالار وتكىزىلىپ تۇرادى. 160-تان استام مەرزىمدىك باسىلىمدار ءتۇرىن جازدىرىپ الادى. جىلىنا 700-دەن استام ءىس-شارا وتكىزىپ, قالا تۇرعىندارىن رۋحاني ازىقپەن قامتاماسىز ەتىپ وتىرعان كىتاپحانادا قازاقستان جازۋشىلارىمەن كەزدەسۋلەر, كىتاپتاردىڭ تانىستىرىلىمى, اتاۋلى, مەرەكە كۇندەرىنە بايلانىستى ء ىس-شارالار وتەدى.
جىلىنا ءبىر رەت «كىتاپحاناداعى ءتۇن» ءىس-شاراسى وتكىزىلەدى. ال اعىمداعى جىلى قازان ايىندا «كىتاپحاناداعى ونەر ءتۇنىن» وتكىزۋ جوسپارلانىپ وتىر. كىتاپحانادا جىلىنا 4-5 مارتە شەتەلدىك مامانداردىڭ قاتىسۋىمەن ونلاين-كەزدەسۋلەر ۇيىمداستىرىلىپ تۇرادى. كىتاپحانا وقىرماندارى حالىقارالىق, رەسپۋبليكالىق, قالالىق بايقاۋلاردىڭ بەلسەندى قاتىسۋشىلارى. تاياۋدا وتكەن «ەرتەگىمەن ساياحات» حالىقارالىق بايقاۋىنان ءسۇلتانالى دۇيسەناليەۆ ءى ورىندى جەڭىپ الدى. وسىنداي كىشىگىرىم جەتىستىگى بار كىتاپحانا ماماندارى بالالاردىڭ كىتاپ وقۋعا ىنتاسىن ارتتىرىپ, ونەرگە باۋلىپ, ءبىلىمدى ۇرپاق تاربيەلەۋدە ايانباي ەڭبەك ەتىپ كەلەدى.
الماتى