جۇما, 17 مامىر 2013 2:00
نيۋ-يوركتە قازاقستان رەسپۋبليكاسى مەن دومينيكا دوستاستىعىنىڭ بۇۇ جانىنداعى تۇراقتى وكىلدەرى دەڭگەيىندە بىرلەسكەن كومميۋنيكەگە قول قويۋ ارقىلى ەكى ەل اراسىندا ديپلوماتيالىق قارىم-قاتىناس ورناتىلدى, دەپ حابارلادى قر ءسىم-ءىنىڭ ءباسپاسوز قىزمەتى.
جۇما, 17 مامىر 2013 2:00
نيۋ-يوركتە قازاقستان رەسپۋبليكاسى مەن دومينيكا دوستاستىعىنىڭ بۇۇ جانىنداعى تۇراقتى وكىلدەرى دەڭگەيىندە بىرلەسكەن كومميۋنيكەگە قول قويۋ ارقىلى ەكى ەل اراسىندا ديپلوماتيالىق قارىم-قاتىناس ورناتىلدى, دەپ حابارلادى قر ءسىم-ءىنىڭ ءباسپاسوز قىزمەتى.
قازاقستان تاراپىنان قۇجاتقا ءبىزدىڭ ەلىمىزدىڭ بۇۇ جانىنداعى تۇراقتى وكىلى بىرعانىم ءايتىموۆا قول قويسا, دومينيكا تاراپىنان وسى ەلدىڭ بۇۇ جانىنداعى تۇراقتى وكىلى ۆينس حەندەرسون قول قويدى.
كەزدەسۋ بارىسىندا دومينيكا ەلشىسى ءوز ەلى قازاقستاننىڭ سىرتقى ساياسي جەتىستىكتەرىن ءاردايىم نازاردا ۇستاپ وتىراتىندىعىن جانە قازاقستاننىڭ حالىقارالىق باستامالارىن قاشاندا قولدايتىنىن جەتكىزدى. سونىمەن قاتار, ول VI استانا ەكونوميكالىق فورۋمىنا جانە بۇكىلالەمدىك داعدارىسقا قارسى كونفەرەنتسياعا ءوزىنىڭ قاتىساتىنىن راستادى. شەتەلدىك ديپلومات اتاپ وتكەندەي, كاريب ايماعى ەلدەرى قازاقستانمەن ەكىجاقتى ىنتىماقتاستىقتى, سونىڭ ىشىندە ەنەرگەتيكا, ەكونوميكا, ساۋدا جانە تۋريزم سالالارىنداعى ءوزارا ىقپالداستىقتى دامىتۋعا ىنتالى.
سونداي-اق, نيۋ-يوركتە قازاقستان رەسپۋبليكاسى مەن سەنت-كيتس جانە نەۆيستىڭ بۇۇ جانىنداعى تۇراقتى وكىلدەرى دەڭگەيىندە بىرلەسكەن كومميۋنيكەگە قول قويۋ ارقىلى ەكى ەل اراسىندا ديپلوماتيالىق قارىم-قاتىناس ورناتىلدى.
قازاقستان تاراپىنان قۇجاتقا ءبىزدىڭ ەلىمىزدىڭ بۇۇ جانىنداعى تۇراقتى وكىلى بىرعانىم ءايتىموۆا, ال سەنت كيتس جانە نەۆيس تاراپىنان وسى ەلدىڭ بۇۇ جانىنداعى تۇراقتى وكىلى دەلانو فرانك بارت قول قويدى.
كەزدەسۋ بارىسىندا سەنت-كيتس جانە نەۆيس ەلشىسى ءوز ەلىنىڭ قازاقستاننىڭ حالىقارالىق باستامالارىنا قاشاندا قولداۋ ءبىلدىرىپ كەلە جاتقانىن جەتكىزدى. شەتەلدىك ديپلومات اتاپ وتكەندەي, ونىڭ ەلى قازاقستانمەن ەكىجاقتى ىنتىماقتاستىقتى, سونىڭ ىشىندە ەنەرگەتيكا, ەكونوميكا, ساۋدا جانە تۋريزم سالالارىنداعى ءوزارا ىقپالداستىقتى دامىتۋعا مۇددەلى.